[محمد السيد 78]

" ان بعض الظن اثم"
انا حصل معايا موقف قبل كده خلانى فى نص هدومى :
بعد صلاة العصر كنت بجرب عربية دبابة جوه الشركة اللى انا شغال فيها وفجأة شاور لى احد العمال وقفت له فتح الباب اليمين وقعد يتكلم معايا لمدة دقيقة ونزل بعدها بشوية ببص على الموبايل مالقيتهوش .وانا بطبيعتى لما اركب عربية لوحدى بسيب الموبايل على الكرسى اليمين قعدت ادور عليه على التابلوه وتحت الكراسى مالقيتهوش رحت راجع للعامل ده وكلمته باسلوب وحش وقلت له ماحدش غيرك ركب العربية وانت الى سرقت الموبايل قعد يحلف لى انه ماسرقهوش رحت واخد العامل الى المشرف بتاعه وحكيت له الحكاية .المشرف قاللى انه بقاله فترة وماشفناش عليه حاجة بس لو عملها فعلا انا هفصله وقعد يفتش العامل وراح معاه عند الدولاب بتاعه عشان يفتشه وكل ده وانا عمال اجرب ارن على موبايلى من موبايل احد الزملاء ويعطينى جرس بدون ان يجيب احد وفجاة قال احد السائقين بالشركة انه يوجد موبايل بالمسجد وذهبت الى المسجد ووجدت انه موبايلى ومازال على الوضع الصامت كما هو و الذى اتهمت فيه هذا العامل الغلبان ساعتها انا كان نفسى الارض تتشق وماكونش قدام العامل ده لانه قعد يبكى بحرقة رغم انه كان متماسك جدا قبل وجود الموبايل ومن ساعتها قررت انى ماتهمش حد باى حاجة الا اذا شفته فعلا بيعملها .