[myson medo]

السلام عليكم ورحمة الله وبركاته

كنت عاوزة اسالكم ضرورى على نيسان الجديدة لانى الحمد لله حجزتها والمفروض كنت استلمها الاسبوع اللى فات - لكن اللى حصل انها اتأخرت ولما رحت المعرض اسأل على سبب التأخير قالولى إن العربية كل اللى نزل منها طلع فيه مشكلة فى ( مش فاكرة الاسم قوى بس هى حاجة خاصة بالبنزين )وسألتهم ودى تتعرف ازاى قالولى ان ممكن تبقى بتمون فى البنزينة ومؤشر البنزين تلاقيه على الصفر او النص المهم انه مش بيدى القراءة الصحيحة - وقالولى علشان كده العربية وقف تسليمها اسبوع والمفروض انهم يصلحوا العيب ده او تقريبا هيغيروا الجزء ده كله - واللى عرفته كمان ان كل اللى نزل فيه المشكلة دى وبعض العربيات رجعت لهم تانى

بصراحة اتصدمت وبدأت أقلق فقلتأدخل أسالكم عن الكلام ده وهل حد فيكم اشترى العربية ولقى العيب ده - طب واضمن منين بقى انى العربية اللى هاخدها مفيهاش العيب ده ولا هما فعلا لازم مش هيسلموا عربيات الا بعد معالجتها

وكمان مرة واحد يقولى ان العربية بتيجى متقفلة من بره وعليها جمرك
ومرة واحد يقولى انها بتتجمع هنا زى القديمة

ياريت اللى يعرف معلومات يدخل يفيدنى

وشكرا ليكم