[أيمن الروبي]

المشاركة الأصلية كتبت بواسطة محمدصلاح القاضى انحراف العربيه عن مسارها اثناء الضغط على دواسة الفرامل يرجع الى عدة اسباب هى 1/ انسداد بمستر الفرامل (اللى راكب عند السيرفو) 2/ انسداد باحد خراطيم زيت الفرامل 3/ تلف تيل الفرامل فى احدى العجلات 4/ تلف خزنة الزيت باحدى العجلات 5/ وجود هواء فى دائرة الفرامل 6/ وجود انحناء فى الشاسيه ودا غالبا ناتج عن خبطه وبيظهر انه تكون عجله متقدمه عن عجله تانيه يرجى مراجعه كل الامور السابقه وتحديد الخطأ فى اى من الاجزاء

ايه الحلاوه دي يا عم قاضي نهارك فل
بس انت كده حيرت الراجل معاك
النصيحه الصح تبقي كده
اولا كلام القاضي صح يبقي تعمل ايه
بما انك لسه شاري العربيه جديد يبقي تعمل عمرة فرامل كامله وتريح دماغك
1- تكشف علي السيرفو لو سليم تمام لو مش سليم (تجيب طقم اصلاح سيرفو ب 20جنيه او تجيب سيرفو استيراد ب 120 جنيه او سيرفو جديد 400 جنيه)
2- حاول تغير خراطيم دورة الفرامل وتكون جديده
3- طقم تيل امامي ايطالي 40 جنيه
4-طقم مساتر خلفي اعتقد كنت جايبهم ايطالي الاتنين ب 50 جنيه
5-تملي التيل الخلفي ب 70 جنيه او تشتريهم جداد تركي ب75 جنيه
6-المساتر الاماميه نضفها وغيرلها طقم كاوتش
7-الطنابير الاماميه لو سليمه سبها لو معرجه هاتهم جداد 2الماني ب 95 جنيه علشان العربيه مترجرجش في الفرامل
وتريح نفسك ودماغك خالص العمليه دي هتكلفك 5 ساعات بس هتنسي الفرامل خالص

قشطه يا قاضي


اللهم اني صائم