[sayed2077]

المشاركة الأصلية كتبت بواسطة الهولندى الطائر

المشاركة الأصلية كتبت بواسطة الهولندى الطائر الذنب مش ذنب الفنى ده راجل بياكل عيش وهم بيعلموه حاجات معينة بس الغلط على المهندس او صاحب الشركة مستكبر ينزل يشوف بنفسه ويحل وانا متاكد ان المهندس لو نزل وشافة لقالك من اول مرة على العيب انما الفنى معذور لان سيده علمه واحد اثنين بس ما علموش ثلاثة اربعة وعموما ارتفاع الامبير دليل قاطع على عطب فى الكمبروسور بس فى حالة سلامة بقية الاجزاء ودى مهمة مهندس الصيانة اللى ما جاش ولا شاف ولا درى ومشكور على الموضوع الجميل كعادتك يا باشمهندس سيد

الله يخليك على كلامك الجميل

وانا عن نفسى بقول ان لو محدش علمه المفروض الفنى يفكر على الاقل ولو قليلا

بمعنى انا عمرى ما اشتغلت فى التكيفات
والمره الوحيده اللى شوفت صيانه فيها لما الراجل جه عملنا اول صيانة قبل الصيف ولا فك حاجه ولا بتاع ده بس طلع التكيف من مكانوا فى الحيطه و شيلته معاه وحطوا فى الحمام وقعد ينضف فيه ببخاخة مياه

فقط لاغير

ولكن يوم ما اشتغلت فى الجهاز هو بينى وبينكم انا مكنتش ناوى افتحه ولا كده غير لشىء واحد فقط اشوف التكيف ده مصنوع ازاى او ايه مكوناته الداخليه وبصراحه هى جت مصادفه لما فكيت الجهاز حته حته بمساميروا بسلاطاته ببابا غنوجه

ولقيت طبقة التراب اللى على السربنتينة الخارجيه فجه فى بالى انها ممكن هى اللى عامله كدا ونضفتها و جمعت الجهاز تانى زى ما كان وركبت مكانه واشتغل

ولكن فعلا اغلب الفنين مش بيحاولوا يشغلوا الجمجمه شوية

بس برضوا انا اعذرهم لشىء انا كنت شغال فى محل بيبيع حلويات و كنت لا افقه اى شىء فى هذه المهنه و للاسف مكنش عندى اى ابداع فيها لانى كنت غير محب لها نهائيا كانوا يقولولى شمال شمال يمين يمين

وللاسف كانت اسؤ شغلانه اشتغلت فيها



والحمد لله على كل شىء