[محمدصلاح القاضى]

المشاركة الأصلية كتبت بواسطة aimooo ازيكو يا اعضاء الرابطه الكرام وسلام خاص لــــــــ هشام ومصطفي و محمد وهيونداي 2005 كارز ادماير طبعا متعرفوش ايه اللي حصلي الكام يوم اللي فاتو اللي حصل لا ينحكي ولا ينقرا يوم الاربعاء 20-6 قعدت الف بالعربيه مشاوير للشغل بدون مبالغه من 8الصبح حتي 7 مساء العربيه مرتحتش غير نصف ساعه تقريبا يوم الخميس بقيوانا رايح الشغل سير الكاتينه اتقطع كنت جايبه الماني ب 95ج علبه زرقه مش فاكر اسمها ايه المهم سير اصلي المفروض انه بيتغير بعد 20000 كم وللأسف اتقطع علي 9500 كم يمكن كان مشدود او التروس حاميه عليه وبالفعل لقيت اصغر ترس التحتاني حامي اوي طبعا قطرت العربيه لحد الميكانيكي وفكينا وش السلندر ولقينا 2صباب مكسورين المشتروات طقم صباب ايطالي ب 160ج طقم تروس ايطالي OMC ب 150ج سير كاتينه الماني 90 جنيه 2 جوان وش سلندر 35 جنيه وجوانات تانيه المهم ديت الوش للخراط واستلمته الجمعه وظبط التاكيهات وقفلنا وتمام التمام وخدت العربيه الجمعه بليل 10/10 المهم يوم السبت وانا رايح الشغل لقيت جوان وش السلندر بيجيب سرسوب زيت طبعا رجعت ومروحتش الشغل وروحت للميكانيكي تاني وهدينا تاني وغيرنا جوانات وش السلندر بجوانات ايطالي اصلي وقفلنا العربيه تاني وخدتها امبارح بليل طبعا تبهدلت الكام يوم دول بس الاستفاده 1- لازم الكاتينه بتاعت ال 132 بذات تكون مظبوطه لا مقدمه ولا مأخره ولا مشدوده ولا مرخيه 2-بالنسبه لقطع الغيار حتي لو اصليه اذا كانت القطعه عمرها مثلا 10000 كم يفضل تغيرها قبلها بفتره مثلا 7000 كم وبطمنكو الوحش بتاعي رجع تاني ومستنيين مقابلة الجبابره هشام -- كارز ادماير -- القاضي -- مصطفي عاطف -- هيونداي 2005 -- ايمو :w6w2 00504111340266d:w6w200504 111340266d

قدر الله وما شاء فعل
اوعى تزعل ولا تضايق شوف الحكايه دى هتعرف ان يشوف بلوة غيره تهون عليه بلوته
دا حصل معايا بس كنت فى المطار بقى يا سيدى وموصل احمد اخويا
وراجع ولسه طالع من الكارته اللى برا وعزيزه قامت مبطله بس ايه مشض تبطيل شرقان بنزين ولا سخونه
لا ادورها تطرقع المهم فتحت الكبوت ودورت لقيت الكاتينه راكبه بس مش بتلف
وياسيدى بقى كنت فى رمضان وفاطر على الطريق واما خلصت ورقه واطمنت انه ركب بقت الساعه دخلت على 10 بليل
وطبعا واقف فى صحرا لا لاقى سريخ ابن يومين ولا حتى تاكسى يقطرنى
زيقت العربيه يجى 2 كيلو والحمد لله كانت بتسحب على التبطيل كويس
ولقيت بنزينه فى المطار بتاعت التعاون او مصر مش فاكر بالظبط
وركنت العربيه ونمت فيها لحد الصبح طبعا كنت كلمت الحاج وقولته انى هبات فيها وابقى ابعت لى عربيه من عندنا المهم عما الحاج بعتلى العربيه والواد جه كانت دخلت على العصر وعطشان جدااا
والواد ياسيدى جايب معاه سلبه ماتجرش توتوك واتفرج على الفيلم الكوميدى دا
لسه طالعين من المطار السلبه اتقطعت مش مشكله كان الفرق بينى وبينه 3 متر بس السلبه ضعيفه حبل الغسيل اقووى منها طبعا دلوقتى بقت 2.5 وركبنا الدائرى وياسيدى ميكروباص يدخل بينى وبينه ويفاجاء ان فى سلبه يقوم افاديه يقوم الكلب واكل الرفرف من ورا وكل 5 كيلو الحبل يقصر لحد مانزلنا منزل قليوب من الدائرى وعينك ماتشوف الا النور بقى المسافه نص متر بس بينى وبينه وكل شويه الواد عاوز يطير عشان يلحق يفطر فى البيت وانا وراه لحد ما لقيت محل بيبيع سلب ومفارش عربيات بعد قليوب عما خاد باله انا عاوز اقف كنا عدينا المحل بيجى 3 كيلو وارجع بقى دا كله مشى واجيب سلبه 8 متر واجوزها واجر العربيه لحد طنطا بس كانوا يومين قعدت فى السرير بعدها يجى اسبوعين تعبان وسخن وبردان مش عارف احدد انا بشتكى من ايه ؟!!!
بس انا اختلف معاك يا ايمن انا نزلت جبت وش جديد بالتمساحين والكمامات 1125 من الحرفين
وركبته وكان زيروووو
ولحد دلوقتى تمام الحمد لله مش بشتكى من اى حاجه
وعموما حمد لله على السلامه وفداك
ولنا لقاء يوم 7/7