[luckyman]

نبدأ بانظمة السلامة لا توجدا اى من انظمة السلامة متوفرة باللانوس زى نظام منع انغلاق المكابح وتوزيع الفرامل الكترونيا
انظمة امان ضد السرقة لا يوجد
التقفيل زى ما انت عارف تقفيل مصرى وممكن تلاحظ بالعين المجردة مدى عدم تساوى خلوص الابواب والكبوت الخ لا يوجد انظمة جودة ومراقبة الجودة الخ فى مصر
التماسك دون المتوسط طبعا وحتى لو ممتاز لا انصحك الاستمتاع بالسرعات العالية خاصة فى طرق مصر توقع اى حاجة من اى حاجة خلى بالك
توجية السيارة مبهم لازم تصحح مسارك اثناء دخولك وخروجك من المسارات السريعة ودة وارد فى سيارات الجر الامامى بس خاصة مع اللانوس ملحوظ
الفرامل مخيبة للامال ودون المتوسط لا اتناسب اداء ووزن السياره وبتسخن بسرعة
الحل بتاع الفرامل بسيط بتغير الجنوط المعدن الحديد لجنوط المنيوم خفيفة ومفتوحة تبرد الفرامل بشكل مستمر وطبعا تغير الجنط ل 14 واعرض حيحسن التماسك نسبيا والثبات
الاتساع الداخلى مقبول وجيد خاصة لجهة ركاب الكنبة الخلفية
التكييف جديد
اجهزة الكاسيت والراديو سماعات عادية جدا
الشنطة عادية مقارنة بحجم وفئة السيارة وتميل للضيق
تمتاز بانها مرنة جدا على السرعات المنخفضة نتيجة لتكنولوجيا المحرك التقليدية وعدد الصمامات المحدود وطكامة واحدة مما اكسبها مرونة
جسم السيارة والمتانة حسب سؤالك العربية جسمها زى الصابونة التصميم بتاعة وبالتالى سهل الانبعاج والتشوة لانة واخد تقوس وانحناء فى خطوطة العامة وبالتالى مش ماسك نفسة لاقل لمسة غير الفيرنا جسمها خطوطة مستقيمة ومفيش تمويج وبالتالى مش سهل تتشوة لاى صدمة او ترييح
يعنى لو بتحب السرعات والتماسك والرفاهية الخ يبقى اكيد مش اللانوس
لكن قطع غيارها فى كل مكان بكل الالوان والاشكال وتلاقى من الابرة للصاروخ حاجتها وبكل الاسعار والجودة ودى ميزة اللانوس فى بلد زى مصر وشكرا لك ودمت بود