ماهى المراقبة على الاسعار هتدخلنا تانى لقصه التسعيرة والفكر الاشتراكى اللى مبقاش يمشى مع التوجهات بتاعة حكومات البنزنس الاخيرة
وطبعاً من اباطرة البزنس (وعلى قديمة) غبور باشا
ومعروف عنه (رفع) الاسعار للموديلات الاحدث بشكل (اوفر) علشان يمشى الموديلات الاقدم
وخاصة فى الاكسنت والالنترا
بس هو بيستغل ان عربياتة الناس بتعتبرها مضمونة وماسكة سعر والصيت ولا الغنا
انا شايف اننا مش محتاجين الحكومة تراقب الاسعار
لكن محتاجين احنا نفسنا نراقب الاسعار ونرفض نشترى المنتجات المبالغ فى سعرها او اللى قيمتها اقل من سعرها بالشكل ده
لكن برضو علشان الصورة تكمل مش الوكيل بس المسئول
قوانين النظام السابق اللى بتفرض جمارك على وسائل الامان والكماليات التافهه اللى بقى اساسيات فى كل العربيات بره دلوقتى
وده بيرفع من سعر الجمارك اضعاف وبالتالى السعر الاجمالى
والخلاصة ان مشكلة تسعير العربيات والجمارك من اكبر هموم مجتمعنا وان شاء الله مصر موتورز يكون ليها دور اكبر فى حل المشاكل ديه بس البلد تستقر شوية علشان نبداء نصلح ونطور ان شاء الله