المشاركة الأصلية كتبت بواسطة aimooo
خلي ميكانيكي يركب معاك ويشوف في ايه بس الحدفه دي غالبا عفشه فيها حاجه اكشف عليها وعلي فرد الشاسيه والركبتين الاماميه وشوف تحت علبة الدركسيون ممكن تكون محتاجه لحامات وبص علي تيش النص ممكن يكون البارات بتاعته سايبه منه عاوزه تتلحم كهربا تخلي العربيه تحدف علي السرعات العاليه
واهلا بيك في الرابطه وياريت تقولنا تفاصيل اكتر عنك وعن عربيتك
|
الف شكر يا ايمو بس انا والله حاولت مع الميكانيكى و العفشجى علشان حد يركب معايا كل واحد كان يقول مش فاضى علشان الطريق الى عندنا مينفعش تمشى عليها بسرعة فلازم كنت اطلع الصحراوى علشان كده كل واحد يقول مش فاضى
وعلى فكرة انا كان معايا الاول فيات 132 موديل 1974 1800سى سى وبعتها لانها كانت عايزة حاجات ياما وجبت دى 132 1979 2000سى سى باور وزجاج كهرباء وسنتر لوك وصاحبها عقيد فى المخابرات العسكرية بس طلع على المعاش ومعاه لانوس فمكنش بيركب دى خالص يعنى كانت مركونة بس حالتها كويسة والماتور بيعرق مياه يعنى كويس بس الى فيها بقى هى البارمة ودى نتيجة الركنة والعمر لانها مركونة اكتر من 8 سنين فأشتريتها بمبلغ 13500 وانا شايفة انه مبلغ قليل اوى على حالتها بس انا عايز اظبط البارمة الى فيها ومش عارف ابدى بيها الاول ولا اظبط مشكلة الحدف الاول ياريت تنصحونى ولو حد يعرف سمكرى وبوهيجى كويس فى الاسكندرية يقولى
معلش انا طولت عليكم بس والله معرفش حد اسئلة غيركم والف شكر على حسن استماعكم