السلام عليكم و رحمة الله و بركاته.
أولا مبروك على العربية يا أستاذ محمود و ربنا يخليهالك.
أنا كنت عايز أستفسر عن شوية حجات أرجو أنك ترد عليا فيهم كلهم.
أنا كنت محتار مبين الهيونداى الينترا 2012 أو الكيا سول 2012
بس أنا مايل شوية للكيا سول عشان فيها كماليات أكثر من الالينترا و مش منتشرة أوى زيها.
أنا عمتن بحب السرعة جداا و بحب أجيب ال200 كتير.......أكتر حاجة قلقان منها هى دى فى السول.
يعنى الالينترا 2012 تجيب 200 و 220 و ستابيليتى و سبات على الطريق ما شاء الله.. أما السول من البسمعه أنها بعد ال160 سباتها بيبقا مش حلو و بتسمع صوت جامد فى الكبينة و تحس ب زلطة زلطة على الأسفلت. فا كنت عايز أعرف موضوع السبات على الطريق من السرعة ال160كم لل 200كم عملة أيه و ياريت لو مقارنتا بالالينترا ال2012.
تانى حاجة قلقان منها أن واحد معرفة كان معاه السول بيقولى بعها عشان صوت متورها عالى قوى. بس هو كان معاه الموديل 2010. فهل فعلا المتور صوتو عالى؟؟
تالت حاجة فى السحب .. سحبها عامل أيه.؟؟ يعنى أنا أصدقائى معاهم فولكس جولف 2011 و ألينترا 2012 و رانجلر 2011 و اكتافيا 2010...يعنى هعرف أشد معاهم ولا أيه 
و سحبها مقارنتا باللانسر برضو بما أنك جربتها.
رابعا : أنا سمعت أن السول موديل 2012 ... كيا عملت فيه تعديلات كثيرة.. من ناحية السبات و الصوت فى الكبينة و أهم حاجة عجبتنى جدااا و خلتى مصمم على هذه السيارة أن موديل 2012 نزيلو بموتور جديد 1600سس و بقوة 138 حصان TDI direct injection ...الموديلات ال2011 و 2010 كانو DOHC 124 حصان.... أما موديل 2012 فهو 138 حصان..!!
و أحب أفيدكم أن 2012 فعلا نازلة 6 سرعات ستيبتزونيك...دة أكيد.
أنا ان شاء الله ناوى أحجز سول لون بيج هاى لاين.. الكاتيجورى الب140 ألف وكييل.. عيبه بس أنه جنط 16 .. و الكاتيجورى ال131 ألف فى جنط 18 و شكلو أحلى بكتير. بس ال140 لف فيها كماليات أكثررر و كونسول و LED و ضمان الوكيل أهم حاجة.
بس أنا هحجز ان شاء الله بعد ما أسمع رأيك بما أنك تمتلكها لفطرة..
و عايز أعرف رأيك عموما فى السول مقارنتا بالنيو ألينترا.. فى كل حاجة. بذات السبات فى السرعات الفوق ال160...
و عايزك تأكدلى موضوع أن السول 2012 نزلا فعلا بمتور جديد TDI 138 حصان ... شكراااا..