[د/ ياسمين]

ممكن تدينى عقلك...افكر بيه شوية..لان عقلى خلاصصصصصصصصصصصص توقف عن التفكير ..هنج خلاص ..وتقريبا عايز تغير سوفت ويير اوننزلوا ويندوز من اول وجديد....اسئلة كتير هجمت على عقلى اروح منها فين قلت يادكتورة شوية هدوء على مج نسكافية ونبدى القول ونسال::
1) اية اللى حصل فيك يامصر واية الاختلافات دى كلها بين البشر..هو احنا كنا كدة من زمان بس مكناش وخدين بالنا والثورة اسقطت الاقنعة وبان المستخبى..محدش طايق حد ولاطايق كلمة ولارأى .لية ياناس بقينا زى الاعداء كرهين بعض قوى ..!!

2) اللى بيقولوا شفيق حينجح بالتزوير ..طب مكانوا نجحوا من اول دور بالتزوير وبقى الرئيس وريحونا ؟ لية لازمة الاعادة ووجع القلب...ولادا مجرد تخمين...!!!


3) طب لما المجلس العسكرى وراء الحكاية دى مكان جاب عمرو موسى مثلا بدل شفيق خصوصا وان مجلس الشعب كان بيفكر فى انشاء قانون العزل

يبقى بديهى انهم يجيبوا واحد تبعهم ولايطبق علية القانون وتزوير بتزوير ويطلع موسى..!!

4)لو جه مرسى يبقى طبعا مش تزوير وارادة شعبية وحيطبق شرع الله ودة الامل والحلم طب يادكتورة اية دور المرشد..وهل كدة اغلقت الدائرة ....رئيس من الاخوان والبرلمان غالبية اخوان والنقابات اخوان..طب وماله خايفين لية !!!

طب لوأى حد معجبهوش راى السيد المرشد مثلا وقال كلمته ..هل يتهم بالكفر والالحاد مثلا ويتهم بضرب رموز الاسلام ...مش عارفه ..!!

5)هل الدكتور مرسى يعتبر الديموقراطية كفر كباقى شيوخ السلف والاخوان...اكيد

6)هل اذا طلب او ارتئ الرئيس قانون اواجراء وعرض على المجلس وتمت الموافقة علية هل يوجد من باقى فئات الشعب حرية الاعتراض ولا كله موافقون بالاجماع

(والله زمان )...وعلى الشعب ان يطيع اولى الامر..!!

7)اللى بيقول ان الشرطة لفقت التهمة للنائب السلفى..طب لية النائب السلفى دة بالذات وفى هذا الوقت بالذات هو حد قالهم ان الرئيس سلفى فأرادوا ان يوقعوه فى حرج مثلا ..االمرشح للرياسة اخوانى واعتقد ان الجميع يدرك حقيقة العلاقة بين السلف والاخوان...

من الطبيعى اننا ندافع عن الناس ونحسن الظن بهم بس الاكيد اننا ننتظر من العلماء والنواب واولى الامر الكثيير مما تشدقوا به من وعود ومواثيق وعهود..


طولت عليكم معلش بس بجد انا قبل ما اسألكم سالت نفسى ومالقتش اجابة


واتمنى محديش يقول انى تبع شفيق او تبع مرسى ..انا لامع ده ولاده.... انا مع الله