[YahiaAshraf]

المشاركة الأصلية كتبت بواسطة محمد المسيرى بعد إذنكم أنا جديد فى موضوع السواقة و عايز أشترى حاجة زيرو و كنت محتار أوى بين شيفروليه لانوس و هيونداى فيرنا و رينو لوجان و سانديرو أو سانديرو ستيب واى المبلغ اللى معايا حوالى 75000 و رحت لفرع المصرية للسيارات بالأسكندرية و شفتهم على الطبيعة لكن للأسف السانديرو و السانديرو ستيب واى مش هناك من متابعتى لريفيوهات الناس على النت الفيرنا بتتميز بالمحرك و أسعار قطع الغيار و توفرها و سهولة الصيانة لكن للأسف شكلها مش عاجبنى خالص و حاسس أنى هجيب عربية موديل 2004 اللوجان شكلها عجبنى لكن لقيت مكان الأيرباج فى التابلوه للراكب الأمامى خالى و شكله وحش و سألت فى معرض المصرية عن إمكانية تقفيله و قالى مش هينفع و سألته برضه هل السانديرو فيها نفس الموضوع ده و قالى اه للانوس شكلها معقول و إن كان ميفرقش كتير عن الموديلات القديمة و الموظف فى المعرض نصحنى بيها عشان موضوع الصيانة و إعادة البيع و قطع الغيار سؤالى لحضرتك و لأهل الخبرة هل أسعار قطع غيار اللوجان مازالت غالية جداً رغم إنتشار العربية فى السوق المصرى؟؟ و هل قطع الغيار متوفرة؟؟ و هل يمكن صيانة العربية خارج التوكيل و لا زى الناس مبتقول أن رينو بتعتمد على بيع قطع الغيار و الصيانة أكتر من ثمن العربية نفسه؟؟؟ مع العلم أنى من الأسكندرية يعنى أظن الموضوع أسهل من الأقاليم هل السانديرو تختلف عن اللوجان فى شئ غير الشكل و وجود فرامل ABS؟؟ و ايه الفرق بين السانديرو العادية و الستيب واى؟؟؟ و إن كنت لست من هواة الجرى و لا السفر الكتير هل تعتبر اللوجان أو السانديرو عربية ملاءمة لإحتياجاتى الشخصية؟؟؟ و آسف على كثرة الأسئلة

بص حضرتك الفيرنا و اللانوس عدت عليهم خلاص

اللوجان عربيه ممتازه و تنفع للى حضرتك عاوزه

السانديرو نفس اللوجان فى كل حاجه
الفرق ان دى سيدان و دى هاتشباك


بالنسبه لاسعار قطع غيار الرينو لوجان

احدث اسعار قطع غيار رينو لوجان من توكيل رينو
حصرى على مصر موتورز
--------------------------------------------

طلمبة مياه--------------------------275
ردياتير --------------------------- 1150
تيل فرامل امامى -------------------- 236
مساعد امامى ----------------------- 395
برابريز امامى ------------------ 1150
برابريز خلفى ----------------- 647
اكصدام امامى -------------------- 595
رفرف امامى ---------------------- 495
فانوس امامى ----------------------- 575
فانوس خلفى ------------------------ 199

---------------------------------------


الاسعار لاتشمل ضريبه المبيعات
ضمان 12 شهر على جميع قطع غيار
جميع قطع الغيار اصليه






و دى اسعار صيانه اللوجان فى التوكيل


صيانه 10.000 كم
-----------------------

فلتر زيت---------------48
المصنعيه---------------135
الاجمالى----------------183 جنيه مصرى
---------------------------------------------
************************* **************
صيانه 20.000 - 40.000 كم
-----------------------------------
فلتر زيت-----------------48
بوجيهات----------------- 120
فلتر هواء --------------- 65
المصنعيه --------------- 252
الاجمالى ---------------- 485 جنيه مصرى
************************* ***************



صيانة 30.000 - 90.000 كم
---------------------------------------

فلتر زيت --------------------- 48
المصنعيه ---------------------- 135
الاجمالى ---------------183 جنيه مصرى

************************* **************




صيانه 50.000 - 70.000 كم
-------------------------------

فلتر زيت ---------------------- 48
المصنعيه ------------------------ 135
الاجمالى ---------------- 183 جنيه مصرى
************************* **************




صيانه 60.000 - 120.000 كم
--------------------------------------

فلتر زيت -----------------------48
بوجيهات ------------------------- 120
فلتر هواء ------------------------ 65
طقم الكاتينه -------------------------- 430
سير دينامو -----------------------------175
سائل التبريد -------------------- 48
المصنعيه ----------------------- 555
الاجمالى ---------------------- 1441
************************* ***************


صيانه 80.000 كم
---------------------------
فلتر زيت-------------------- 48
بوجيهات ----------------------- 120
فلتر هواء ---------------------- 65
المصنعيه --------------------------- 252
الاجمالى -----------------485 جنيه مصرى

************************* ***************


اى استفسار انا تحت امر سعادتك
: waving: