رد: الاخوة الاعضاء ارجو الدخول لدى استفسارات بخصوص اللوجان اوتوماتيك
هل فعلا موتور الاوتوماتيك هو موتور الميجان
أفتكر صح على حسب ماقريت فى أماكن كتير عربي وأجنبي, بس أعتقد ميجان 1 يعنو أول شكل للميجان. ممكن لو حد جرب الميجان يأكد أو يصحح الكلام ده. وعلى فكرة هو هو موتور الداستر ال 4*4
هل الهورس بور كافية للأوتوماتيك؟
الطلعة بس تقيلة شوية لو ضاغط بنزين خفيف لاكن مش ضعف هورس باور, وعلى فكرة إكتشفت إن تقريبا كل الأوروبي كده لأني كنت بتكلم مع صديق معاه سيات إبيزا 2012 أوتوماتيك 7 نقلات وعنده نفس الموضوع بالضبط. لاكن لو زودت سنة بنزين السحب بيبقى كويس جدا وكده كده النسارع من بعد 40 أو 60 كم/س ممتاز والتكيف تأثيره على السحب يكاد يكون غير ملحوظ فأعنقد الهورس باور مناسب للعربية جدا
ايه مشاكل السيبستيرونيك عموماً؟
على حد علمي ملوش مشاكل ومحدش إشتكى منه, هو بس كان فيه شكوي من أحد الأعضاء إن نقلات الأوتوماتيك فيها نتشة, أنا إللى شايفه إنها مش نتشة بالضبط هي مجرد الإحساس بالنقلة لأن العربية 4 نقلات فقط ويبدو برضه إن الأوروبي كله كده لأن صديقي صاحب الإبيزا عنده نفس الموضوع مع إنه 7 نقلات مش 4 زي اللوجان. يعني الموضوع مجرد طبيعة ميكانيزم مش عيبفي العربية على ما يبدو, أنا عن نفسي ملاحظتش شئ ممكن أقول إنه غير طبيعي بالفتيس ودي أول مره أسوق اوتو, لو حضرتك أول مره تسوق اوتو يبقى مفيش مشكلة, أما لو متعود على أوتوماتيك الياباني أو الكوري فممكن تحس بفرق بسيط وأنصحك تحاول تشوف حد تجرب منه العربية عشان تكون متأكد.
حد يعرف 2013 ممكن تنزل امتى لانى سامع ان مكان الكلكس ومفاتيح المرايات والزجاج هيتغير؟؟ وهل المعلومة صحيحة
نفس الكلام سمعته عن موديل 2012 ونزل زي ماهو, هو سبب الإشاعة إن فى بعض البلدان بتنزل زي محضرتك بتقول ومنتشر صور للمواصفات دي على النت فالناس بتفتكر إنه موديل السنه الجديدة في حين ممكن تكون بتنزل كده من كذا سنه. عموما مكان الكلكس ومفاتيح المرايات والزجاج مش مسببين مشكلة للدرجة لاكن لو متاح ليك تنتظر كام شهر لحين نزول موديل 2013 براحتك
التعديل الأخير تم بواسطة ahmedashraf ; 02-06-2012 الساعة 04:40 AM
|