[Hisham.Elgazzar]

المشاركة الأصلية كتبت بواسطة aimooo انتو جيتو في ملعبي

المشاركة الأصلية كتبت بواسطة aimooo الاول لازم نعرف انو مفيش رش عادي دلوقتي يعني بره الفرن لأن الرش العادي بره الفرن بيحتاج بويه اسمها ميدو نوعها دوكو يعني ايه؟ البويه الدوكو بمجرد رشها في خارج الفرن بتنشف خلال ثواني بس محدش بيستعملها دلوقتي علشان كمان مفيش منها ميتالك وغير كده مضره بالصحة لأنك بترشها في الهواء الطلق اللي بيجيب بويه دوكو دلوقتي علشان الرفارف من جوه مش اكتر غير كده البويه الدوكو مينفعش ترش عليها بويه من بتوع الفرن بعد كده لازم العربيه كلها تتشال علي الصاج علشان البويه الفرن بتقب من علي البويه الدوكو الفرن تم تصنيعه لمواجهة الاثار السلبيه علي صحة الانسان عن طريق توربينه تضخ هوا تاخد عفرة البويع الي خارج غرفة الرش وفي افران بيكون فيها بيارات فيها مياه علشان الهوا اللي خارج من الفرن علي المدخنه بيكون محمل بمواد الدهان اللي هيا البويه والتنر والورنيش والمصلب وده بيكون مضر بالصحة فايدة المياه انه بيلتصق بيها كل المواد دي وبيخرج الهو من المدخنه نضيف نيجي بقي للبويه اللي بتترش جوه الفرن ودي ليها انواع كتيرة زي اوميجا سكنز ناشونال سبيس هيكر \ ودي بتترش جوه الفرن وبتحتاج من نصف ساعه الي ساعه تسخين بعد الرش ثم نصف ساعه هواء بارد علشان البويه تنشف مع العلم ممنوع انك تغطي العربيه بالغطا بتاعها الا بعد يومين من الرش علشان البويه بتكون لسه مبصمه حنينه يعني بالنسبه للميتالك مينفعش مثلا ارش حته من الكبوت لأ لازم الكبوت يترش كله علشان لو حته منو بتعلم حواليها سواد بتاع الورنيش هبقي اكملكو بعدين علشان تعبت من الكتابه

تسلم يا أستاذنا موضوع مميز