هاتفضلو نايمين؟؟؟
هاتفضلو ساكتين لشهور وسنين؟؟؟
هاتفضلو اموات في هدوم عايشين؟؟؟
هاتفضلو فى قصور واهية وعاليين ؟؟؟
وعايشين اغراب على البني ادميين؟؟؟
هاتفضلو مانعين وكمان ساجنين؟؟؟
وحاجبين الشمس عن الملايين ؟؟؟
هايجى اليوم ونقوم ثايرين
هانفك الأسر ونهد الزنازين
هاتعيشو شايلين ذنب عراقنا
وهاتموتو شاربين دم فلسطين
هاتقولو شاجبين وكمان رافضين؟؟؟
تبقوا خلاص هاينين العرض
ويعينى كمان بايعين الارض
ساعة بعشرة وساعات عشرين
وطالما بعتم الاتنين
يبقي هاتفضلو نايمين
وقاعدين حاطين حواليكوا تعابين
تفضلو سامعين ال آآآه
وفاكرين احنا موافقين
على طول رافضين ال لأ
وتسحلونا ما احنا معارضين
سايبنهالكم وخارجين ماشيين
عيشو لسنين هاتعودوا للطين
هانسيبكم لحساب رب العالمين
ورونا بقى هتروحوا علي فين
مانتم لسه مصّرين
انكم تفضلوا نايمين
والنبى ما انتم قايمين
وخليكم نايمين