[أيمن الروبي]

المشاركة الأصلية كتبت بواسطة aymanhassan استاذ ايمن ازاى حضرتك كنت عايز اسأل حضرتك لو الفرامل متحجرة يبقى حلها ايه ؟ عشان فى حد قالى ان هى من السرفو ؟ ولو من السرفو يبقى حله ايه وهيتكلف حوالى كام؟ ارجو الرد عشان انا ماشى من فير فرامل

بص حضرتك الحكاية بتاعت التحجير دي حصلت معايا من 8شهور تقريبا
وبيكون سببها قطع في كاوتش الداخلي للسيرفو
حلها انك تودي العربيه زق للميكانيكي وتجبلو طقم اصلاح سيرفو نوع كويس حوالي 18ج تقريا عبارة عن الكاوتشة المقطوعة وجوان وبيركبهم داخل السيرفو مكان الكاوتشة اللي اتقطعت بس خلي بالك علشان السيرفو لما بيتفك وتغيرلو الكاوتشة محتاج ميكانيكي كويس يقفلو تاني علشان السيرفو بيتفك لنصين وبيكب عاشق ومعشوق ولو الميكانيكي قفلو غلط ساعتها الكاوتشة الجديدة مش هتكمل معاك كام يوم وهتتقطع تاني
لو حصل ده يبقي حلها تجيب سيرفو استيراد 150ج او جديد 450 وتريح نفسك
لكن لو الميكانكي غير كاوتشة السيرفو ومحصلش مشاكل خير وبركه واسف علي التأخير