الفيرنا افضل الاختيارات مقارنة بالسيارتين لانها اسهل فى صيانتها وقطع غيارها متوفرة ورخيصة وخد بالك من كلمة متوفرة لان ممكن تلاقى عربية قطع غيارها رخيصة نوعا ما بس مش متوفرة زى البروتون
لكن مع ذلك الفيرنا مع كثر مميزاتها الا انها ليها بعض العيوب احب اوضحهالك من تجربتى معاها علشان تبقى على نور
صالون ضيق
فرامل ضعيفة (قوة موتور الفيرنا مع خفة وزنها بيؤدى الى ان الفرامل تكون ضعيفة ومش شرط تكون ماشى بسرعة عالية يعنى ممكن تكون ماشى على 60 او 80 تتفاجىء بمطب تدوس فرامل والعربية تزحف منك)
طبعا عدم الثبات ومش عند 140 دى اقل من 100
واطية من الارض
دى العيوب اللى لاحظتها على الفيرنا
(راى شخصى ) نصيحة منى ليك خليك فى الافيو هى تقريبا فى نفس رينج الاسعار اللى بتتكلم فيه
وهى عربية عالية عن الارض وسريعة وثابتة وصالونها مناسب ولا يعيبها سوى ان قطع غيارها غالية سنة بس متنساش ان دى عربي زيرو ومصاريفها بسيطة وارجو ان تتقبل تحياتى
ومبروك مقدما
