[تامين سيارات]

المشاركة الأصلية كتبت بواسطة احمد عدوي هو ايه اللى لأ يا استاذة ايمان وثانيا الاخ ميشوو نقطة عدم تعامل بعض البنوك معها انا ذكرتها انما موضوع صرف التعويضات لم يعد يطول في الشركة وكما قلت انها سابقا كانت على مستوى ضعيف في مجال التامين اما الان فقد حدث فيها تعديلات ادت الى رفع مستواها كما ان عدد البنوك التى لم تعد تتعامل معها في تناقص وسعرها فعلا اقل شركات التامين في مصر على تامين السيارات وبعدين مالها شركة اسكان انا ماتعاملتش معاها بس عندى عملاء وزمايل منتجين بيقولوا عليها كويسة فياريت تشرح وجهة نظرك على اسكان وباقى الشركات اللى ذكرتها حتى تعم الفائدة وعلى فكرة انا وسيط حر وليست منتج في وثاق ولكن من اجل الامانة اقول ما لها وما عليها

السلام عليكم استاذ احمد

بالنسبه لوثاق شركه متوسطه و خدمتها مش قوى و عن تجربه و خصوصا فى الحوادث الى بارقام كبيره والهلاك الكلى ما شتغلتوش ماعرفش حاجه عنه معاهم

غير ان النسبه القليله غير مريحه لسبب اعاده التامين وانت حضرتك فاهمنى طبعا دى العلامات الى على وثاق

بمعنى اخر ماينفعش انها تاخد فى السعر اقل من شركات كبيره لان معدل السيارت المصابه اكيد اكتر من 5 % و حضرتك عارف ان ده الى بيحدد النسبه الى الشركه تاخدها

و الدليل على كلامى عدم تعامل بعض الشركات الكبيره الليموزين و رفض بعض البنوك مقابل ان وثيقه مصر للتامين اوقناه السويس لا ترفض من اى بنك ما عدا البنوك الى فتحت شركات تامين والدليل انهم بيروحو مصر للتامين او قناه السويس ليه على شان يدفعو فلوس اكتر يعنى لا لان الشركات دى مضمونه حتى لو غاليه شويه

و هل نسبه ال 40 % تخصيص تغطى المحفظه انا مش بسالك طبعا بس هدف المنتدى الحقيقه و ليس التشكيك فى اى شركه لصالح الشركات الى بنشتغل فيها و لك كل احترام زميل محترم و عزيز

يعنى على شان نبقى منصفين كل شركه و ليها عيب بس بلا شك الشركات الكبيره عيوبها اقل ولكن فى عيوب قاتله لشركه التامين و هى السعر القليل مقابل انك تسحب السوق وما تعرفش توفى التزماتك

احترامى ليكى استاذ احمد العدوى