اولا العربية بتاكل بطاريه يعني كل تقريبا 25 ألف كيلو عاوزلك بطارية بـ 1150 جنيه (سعرها في التوكيل كده)
|
العربية غيرت بطارية مرة واحدة على 70 ألف و مغيرها برة التوكيل ب 700 جم فارتا جافة
ثانيا ماتقدرش تعمل أي حاجه مهما كانت بسيطه برة التوكيل بمعنى أنك لو غيرت مثلا البطارية هاتلاقي وظائف كهربائية كثير ه توقفت عن العمل تماما زي الشبابيك والكاسيت مثلا
ولازم تروح التوكيل وتاخدلك دور عشان تبرمج الزجاج والكاسيت تاني
|
الكلام ده موجود فى كتيب الشرح بتاع العربية وبيقولك تعمل أيه لو غيرت البطارية
و أنا عملته بنفسى من غير ما روح التوكيل
كل القصة أنك بتفضل ضاغط على زرار الأزاز الكهرباء مرة لحد أخره تحت ومرة لحد أخره فوق عشان يعرف مقدار المشوار اللى هيمشية لما أنت بعد كده تدوس الزرار دوسة واحدة عشان يفقل او يفتح بالكامل
والكاسيت بتدخل الكود بتاعه عشان يشتغل عشان منع السرقة عشان لو حد سرق الكاسيت ميعرفش يستخدمه
وبالمناسبة........الموضوع ده موجود فى عربيات كتير قوى زر الأسترا والفيكترا
|
ولو غيرت تيل الفرامل بره هاتلاقي الـABS توقف عن العمل ولن يعمل إلا بعد ان تذهب إلى التوكيل (وهناك المجزرة شغاله مابترحمش)
|
مش عارف بصراحة حضرتك غيرت تيل فرامل فين بس هو أكيد مش فاهم كويس عشان هتلاقيه فصل فيشة ال ABS و مرجعاش مكانها تانى
أنا مغير تيل أمامى و طنابير برة التوكيل عند واحد بيفهم ومش شغال فى رينو بس ولا حاجة ومفيش حاجة من اللى حضرتك قولتها حصلت
وسيبكم بقى من ده كله العربية أدائها سيء جدا جدا جدا وماتخدش منها اداء ممتاز إلى على الطرق المفتوحة فقط
يعني في وسط المدينة العربية مخنوقة ولو شغلت التكييف يبقى أنت كده قتلت الموتور خالص وقتلت نفسك معاه لان التكييف نفسه مش هايديك هوا بارد إلا لما العربية تجري في طريق مفتوح
|
معاك حق الى حد ما.........أداء العربية فى الزحمة والحر مع تشغيل التكييف بيكون مش قوى لحد ما تاخد النقلة التانية
|
دا غير إن كل شوية الكومبيوتر يوقف حاجه عن العمل ومايرضاش يديها إشارة عشان تشتغل (لانه متبرمج على كده ) يعني بعد عدد من الكيلو مترات معينه (هو متبرمج عليها) مايبعتش إشارة للبوبينات إللي فوق البوجيهات مثلا العربيه تشتغل 3 بدلا من 4 وتبقى متضر تروح التوكيل وتغير البوبينه ومعاها طقم البوجيهات
|
لا تعليق............80 الف كيلو ومغيرتش غير كويل واحد فى الضمان.........
ده غير أنك لو فوت ميعاد الصيانات إللي مطلوب فيها تغيير بعض الأشياء هاتلاقي العربيه مابتشتغلش معاك بطريقة مظبوطه وهاتلاقي الكومبيوتر عمال يطلعلعك لسانه قصدي راسايله كل شوية أشي رسالة تقولك Chek Box وإشي رساله تقولك Servece ورسالة تقولك معرفش أيه لحد ما تلاقي نفسك مدمن التوكيل ويحصل بينك وبين الناس هناك عِشرة ولا عشرة الجيران والأقارب
ده غير أن العربيه ادائها العام لا يتناسب أطلاقا مع شكلها الجميل وسعرها العالي
|
برضه مفيش حاجة من دى بتحصل معايا ولا مع حد من الناس اللى أعرفهم معاهم ميجان......و هما كتير
على فكرة ومعانا موديلات مختلفة.....2005 و 2006 و 2008 و اداء العربية كويس ما عدا فى الزحمة والحر والتكييف مجتمعين وسعرها مش عالى.............عالى على بعض اليابانى وده زى كل الأوروبى واقل من معظم الأوروبى أن مكنش كله
على فكرة قطع غيارها مش غالية
مثلاُ تيل أمامى فى التوكيل ب 350 جم + 35 جم تركيب = 385 جم
صيانة ال 80 ألف لسة عاملها ب 775 جم
طنابير أمامية فى التوكيل ب 750 جم وبرة التوكيل ب 500 جم وشغالين معايا بقالهم 19 ألف كم و زى الفل بسم الله ما شاء الله