رد: احنا الطلبة ؟ عايزين نعرف عمرة الموتور بالتفصيل والخطوات والصور
نبدا بتركيب طنبورة الكرنك الامامى بعد تركيب اويل سيل الكرنك الامامى هانحط الخابور مكانة ونركب الطنبورة ونربط المسمار بتعها ونربط بلية الشداد بس منحرقش عليها
هانظبط العلامة بتاعة الطنبورة على جسم البلوك عبارة عن شرط ببدن الطنبورة تقابل شرط على البلوك ونفس الطريقة زنبة ترس الكامة تقابل زنبة معدنية على الصاجة الخلفية لوش التقسيمة مدببة لاسفل نركب السير ونشدة عن طريق بلية الشداد ونختبر شد سير الكاتينة بالايد يكون عامل سوستة ولا مشدود اوى ولا مرخى اوى وممكن نقفل الوش البلاستيك الاصفر ،،،،، طب ما تيجى نسقط الاسبراتير بالمرة طالما احنا محررين البستم رقم 1 والطريقة سهلة اوى
نركب ترس الاسبراتير او اسمة ترس طلمبة الزيت والترس دة بيستمد حركتة الخارجية من عامود الكامات ومن الداخل يوجد مشرشر بيلفف طلمبة الزيت وعامود الاسبراتير
نجيب وش الاسبراتير ونحدد سلكة البوجية رقم واحد هتلاقيها مكتوبة على وش الاسبراتير (1 ) ونسقط الاسبراتير على الوضع دة واتجاة الشاكوش على سلكة البوجية رقم 1 ونربط المسمار المثبت للاسبراتير بس رباط بالايد مش بالمفتاح
__________________
يااااااااااااا رب
إرحمنا بقدرتك علينا
|