شكراً على الموضوع الجامد و خد عندك
كام اكثر سرعة مشيت عليها ؟ 170
عملت الكارثة دى فين بالظبط و امتى ؟ طريق الاوتوستراد من حوالى 5 سنين
كان ايه السبب فى التهور؟ تجربة العربية و تجربة نفسى فى القيادة و الطريق كان فاضى
نوع العربية و الموديل ؟ أوبل أسترا كانت تقريباً موديل 2000
ايه اخبار ثبات العربية ؟ (stability ) ؟؟؟ ثباتها رائع و ده حببنى جدا فى الالمانى
كان احساسك ايه اثناء و بعد التجربة الحياتية المريرة دى ؟ مبسوط بس ده ميمنعش انى ده شئ خطير جداً
و فى مرة كمان حابب اكتبها
كام اكثر سرعة مشيت عليها ؟ 160 (مقفل عداد)
عملت الكارثة دى فين بالظبط و امتى ؟ طريق الطور شرم الشيخ تقريباً شهر واحد اللى فات
كان ايه السبب فى التهور؟ تجربة العربية لانها كان بقالها كذا يوم عند الميكانيكى و بتاع الكرادين و كنت عايز اعرف النتيجة على الطريق لانه لو مكانتش عملت كدة كنت هرجع انط فى كرش الميكانيكى
نوع العربية و الموديل ؟ لادا 2105 موديل 1995
ايه اخبار ثبات العربية ؟ (stability ) ؟؟؟ كان حلو جداً مع ملاحظة انى العربية كانت شايلة 4 و فيها شنط سفر
كان احساسك ايه اثناء و بعد التجربة الحياتية المريرة دى ؟ رائع برغم خطورته