[مروان خالد على]

بس ياجمـاعه انا من سنتين كنت بالعربيه ومكنش معايا رخصـه ولا بطاقـه حتـى ساعتها
ووقفـت فى لجنـه و الظابط سألنى على رخصتـى قلتلـه معيش قـالى بطاقتك قـلتله نسيـتها قـالى طيب انا اعرف منين دلوقتى ان دى عربيتك و مش سارقها قولتله معايا بطاقه صاحب العربيه و رخصه العربيه فـ قـالى طيب انت نـاسى الرخصـه ولا لسـه مطلعتش قـولتله لا بصـراحه لسـه سنـى مجبش فقـالى طيب ماشى واخد رخصـه العربيه و عطانى وصل مكتوب فـى بدون رخصـه قيـاده و بعد كدا والدى راح جاب الرخصـه من المرور ودفع غرامتها عادى وكانت 150 جنيـه تقريبا ف علشـان كدا انا كنت مطمن و كنت بنزل عادى
بس مش عارف بصـراحه هو انا حظى الى كان حلو و وعدنى بظابط ابن حلال ولا هما بيطنشوا و بيعدوهـا لما يعرفـوا يعنى ان الى سايق ابن صاحب العربيه وان العربيه متاخده بعلم صـاحبها !؟