اعتذر عن التأخر فى الرد يا ميزو باشا
الستروين ممتازة والله بس الصنايعية هم اللى بيكرهوك فيها لانهم ببساطة فاهمين لكن
مش عايزين يشتغلوا ليه؟؟ لان الحوض ضيق شوية وعايز اللى يحط ايده فيه يكون عارف ايده رايحة فين وليه مش يفضل يدور فى ماكن ضيق على سلك ولا مسمار هى دى كل القصة
اسأل فى الماكن اللى انت فيه عن اى ميكانيكى او صنايعيى شاطر ومشهود له بالكفاءة
اسأل اصحابك اللى عندهم عربيات وشوف بيصلحوا عند مين وابقى روح معاهم وشوف الصنايعى وهو شغال وقيمة لو كان فاهم تروح له لو لأ شوف غيره
لو انت من القاهرة قطع الغيار متوفرة جدا فى الوكالة-جسر السويس- الحرفيين- التوفيقية-عزبة شلبى بجانب تجار قطع غيار الرينو والبيجو لانهم فرنساوى زى الستروين
غياب الدوارة له 3 اسباب
كهرباء:بطارية-بوجيهات-سلوك البوجيهات-موبينة-ضبط كهرباء
بنزين: الكربراتير وفى ناس متخصصة كربراتير يعنى مش شرط الميكانيكى
طبعا ده بخلاف حالة الجو لو برد او راكن العربية فترة طويلة
فى حالتك طالما البطارية جديدة يبقى تشوف الكربراتير او البوجيهات او سلك البوجيهات
وعلى فكرة دى كلها حاجات بسيطة هاتحفظها وتعملها بنفسك مع الوقت
وكل ما تهتم بالعربية اعطالها تقل عطائها ليك يزيد تقديرك لها يعلا
الكلام ده ينطبق على كل العربيات اللى فى الدنيا
وتحت امرك فى استفسار 01111858995