المشاركة الأصلية كتبت بواسطة الايطالى الصغير
هاوى
وناوى ادخل المجال
وبحب اجرب واتعلم
عايز اعرف منين اشترى عدادات الشحن والادوات اللازمة لشحن وصيانة التكييف
عايز اعرف منين اجيب عبوة فريون أصلية وبكام
منين نجيب وبكام تقريبا وايه افضل الماركات ؟
عايز اجهز شنطة خاصة للصيانة والشحن
ياريت تساعدونى
وشكرا للجميع
|
السلام عليكم
انا كمان هاوى و احب اجرب و اتعلم و اعمل حاجات بايدى ...
ان شاء الله انا ناوى اعمل الموضوع ده ... و عندى عربيتى و تلاجة قديمة عندنا ممكن اتعلم و اجرب فيها ... بس مستنى لما صحتى تتحسن شوية ... انا لسة جاى من السفر مبقليش يومين و عندى دور برد محترم
فى المنتدى هنا ناس كتير عارفة و ممكن تفيدنا
اول حاجة انا اشتريتها مانيفولد الشحن
انا جبت واحد صينى ب 75 جنيه ... كان نفسى اجيب حاجة تانية مش صينى بس ملقتش
حنحتاج كمان كتر للمواسير ( قطاعة مواسير نحاس )
بورى لحام + اسياخ لحام
بعض العدد الخفيفة ( مفكات و زرديات و بنسة كلابة )
حنحتاج كمان ... حاجة نعمل بيها نهايات لمواسير التبريد ( بيسموها فلر )
( فيه مشكلة فى رفع الصور )