[أيمن الروبي]

ازيكو يا اعضاء المنتدي الكرام عاوزين نتناقش في مميزات وعيوب اطارات نسر
كل اللي يعرف حاجة عنها ياريت يتفضل ويقول
انا هبدأ
انا كان معايا 128 من حوالي سنة وكانت قاعدة عندي 11سنة تعرفو ان خلال الفترة دي غيرت 8 اطارات نسر فقط مع ان الاستهلاك بتاعي كان عالي سفر ومشاويرؤ كتير
اخر مرة كنت شاريهم في آخر 2010 بــــ 195 الفردة من الشركة نفسها في شارع شمبليون شاملة ضريبة المبيعات والمقاس R13 165/70 وكانت بره بتتباع ب 220ج عند المحلات
كمان عرفت من واحد ان الخوابير مبتأثرش فيها عشان النسبة الكبيرة من تكوينها تيل
دلوقتي انا معايا 132 وعاوز اجبلها كاوتش دماغي بدأت تلعب وتزن عليا اني اجيب النسر مع اني ميال اغير لحاجة كويسة فقولت نعمل الموضوع ده ونشوف
انا كنت عاوز اركب الكاوتش اللي في اللينك اللي جاي
http://www.trenco-tire.com.eg/arabic/p2-nisr01.htm