[ابو فاروق]

العربية علي حسب حالتها في 2009 اسبيرنزا ب 70 الف وتعالة خدها دلوقتي .
---
وحجازي دة هوة وامام بتاع الشرابية شماطين والجنية بالجنية عيني عينك . انا واخد منو الشاهين دافع 40 ومقسط 82 الف
---
الوردية الواحدة عاملة 70 غاز و60 بنزين والطويلة 11 ساعة عاملة 100 جنية وايمة نايمة ب 120 جنية انصحك تشغلها الطويلة وتريح دماغك وتطلع انتا بليلل ساعتين حلواني ليك .
---
مفيش سواق بيمضي ولو مضي هيمضي اقرار بس عشان لو موت واحد ولا استخدم العربية في حاجة غلط . لكن ملوش بالمخالفات ولا الكلام دة .
---
السواق مهم جدا تختارو صح وربنا يكرمك في واحد ابن حلال ولو عوزت سواقين عالايم نايم انا حاضر .
---
مادام فضيلو دوس فية ومن نحية الادارة فهوة ادارة فعلا يعني ادارة حسابات وكسبت كام وهكذا ومعاملتك مع السواق هي ألي هتخلية يحافظ عالعربية والمخالفات . . وجاهز انك تشتغل لو قالك مش طالع مش تقعد جمبيها
انا معرض اي وقت سواق يقلي مش طالع بلبس وانزل اشتغل اجيب ورديتها واروح عشان اخر الشهر الاقي ادفع قروضي واقساطي . لكن لو جبتها ويوم مطلعتش ويوم سواق اتمرقع وانا مشيت وراة هاجي اخر الشهر استلف عليها
---
اعمل حسابك في 5 الف جنية مرمين علي حس العربية خبطة مخالفات تجديد تامين المهم في فلوس حاضرة تحل المشكلة عشان العربية متقفش دية مش ملاكي هتقف تركب تاكس دية تقف يعني خسارة من كلو .
---
بالنسبا لموضوع المكروباص انا ناوي بصراحة بسبب الوضع الامني انا انسرق مني عربية من 8 شهور وخسران فيها 27 الف . بس انا بالنسبالي 4عربيات كتير واليومين دول الواحد يخاف السواق لما بيدخل الجراح الواحد بيبوس ايدو انها رجعت اساسا .
ناوي اجيب مكروباص وبدور بصراحة علي شغل سفر لية او شغل شركات . لو قدامك اي مصلحة ياريت تلاغيني فيها .