رد: رابطة ملاك الفيات اونو
انا معايا اونو 2000 انجكشن
احب انقلكم اول تجربة ليها معايا
بعد الشراء و عمل الصيانة ( فلاتر وزيت وسير و خلافة بالاضافة لتغيير اويل سيل الفتيس بالمرة و ديسك الدبرياج )
روحت اغسل العربية من تحت بناء علي طلب الميكانيكي قبل تغيير اويل سيل الفتيس و بالفعل تم الغسيل ورجعتلة علشان يبتد الشغل
وغير و تمام التمام و دارت و طلعنا نجرب مشيت شوية و بعدين المفاجاءة العربية بتسورق مني تهمد و ترجع تظبط تاني و هكذا
ودة كانت بداية المشوار دوخت علي الميكانيكية و الكهربائية الميكانيكي جرب كل حاجة نظف دورة البنزين من الطلمبة للفلتر راجع البوجيهات راجع سير الكتينة جرب كل حاجة حتي اعتذر و رفع ايده من العربية و قالي خلاص كده انا براءة مش عارف
الكهربائي مش عارف و بيقول نغير الضفيرة و بعدين نشوف
قلت اوصلها كمبيوتر بس للاسف المركز الا رحتله معرفش يوصلها و الجهاز مقراءش حاجة
ورجت وانا كلي حيره و لا اعرف ماذا افعل
واذا بالفرج ياتي من عند الله من غير موعد اذا بي اقف مع جار لي و يسالني عن احوال السيارة فقلت له ليست تمام فحدث كذا وكذا
واذا به يسالوني هل لديك حساس شكمان بالسيارة قلت لة نعم ففتح الكبوت وفصل الفيشة الخاصة به وقال لي جرب
وكانت المفاجاءة العربية تمام التمام
و باذن الله تعالي سوف اقوم بشراء واحد جديد بدل القديم و الحمد الله علي كدة .
|