الشعر الحلمنتيشى
الكوكو للى دا واد تراللى
جانى ومالى وقال يالاللى
قلت واحشنى قال ياحلوللى
فينك ياد يامدوخلى
عقلى معاك وتاعبنى تملى
ضحك وقالى فى الدنيا الللى
فين ايامك فين لياليك
ايه اخبارك فين اراضيك
بص ياسيدى ومالك سيد
الا الكوكو تملى تملى
سامعك قول يابو دم خفيف
باين عليك ياواد انت سخيف
قول على طول ماتنرفزنيش
حاضر واسكت ماتزعقليش
عارف ياسيدى الواد ابو شناب
اللى كان فى الحارة وفص وداب
شفته فى كايرو جارر كارو
خم حمارها وحل محله
كان بيقول ان ابن البيه
وجدى باشا ومش عارف ايه
وعلى باب جامع هو لاقيه
فى يوم زعابيب من ايام امشير
رجع لاصله وجر الكارو
اصل الجر دا شغل حمير
والبت نوسة خليل درويش
بعد قميصها الصوف والخيش
بدى واستريتش وجزمة كاوتش
ضربت جيل وعاملة كنيش
الله يرحم الجبنة قريش
وفول وبصارة والحلاوة بقشيش
عاكسها الواد جلجل ورنيش
فاكرها شوشو صرخت .... يا شاويش
صرخت لمت امة وجيش
فتحت قرنه بالبراطيش
شربت دمه وبتقول .... ياشاويش
وبعد الطيخ والطاخ والطيش
صعب عليها من الطلطيش
قالت حرام دا مافيهوش
بابى هايعالجه وكله بلاش
بشوية بن وقطن وشاش
بس تانى مرة ماتبصبصليش
انطس فنظرى يانانى كنيش
حرمت خلاص يا عم شاويش
والله وبقيت بابى ... يابا درويش
__________________
عجبي علي العجب العجيب العجاب
لما الحقيقة تطل بعد احتجاب
و تروح و تحلا وفجأة تصبح مفيش
كمثل طراطيش بحر ياما خد و جاب
عجبى !!( صلاح جاهين )
|