رد: ** حكومة رجال الأعمال للشعب - طير أنتا **
انا ياجماعه متابع موضوع العقارات ده من فتره لاني كان نفسي اشتري قطعه ارض وابني حاجه صغيره عليها كده ليا انا والاولاد لمايكبرو بس لاقيت ان مافيش فايده ومش عارف مين السببب في الموضوع ده المفروض ان وزاره اسمها وزاره الاسكان يعني من اسمها نفهم ان مهمتها توفير سكن او ارض لاقامه سكن ولكن اللي قام به السيد وزير الاسكان هو المتاجره والمضاربه بالسوق والاطاحه بطموح المصريين وعلي فكره بديهي ان الموضوع ده او السياسيات دي هي سياسه رئيس حكومه ودليلي علي كده ان انا وكل الاخوه الاعضاء شايفين وحاسين باللي بيحصل في موضوع تجاره الاراضي والشقق واحنا ناس عاديين يعني مش مسئولين في الحكومه مابالكم برئيس الحكومه ماتقنعونيش انه مش عارف باللي بيحصل حواليه ولو مش عارف يبقي عذر اقبح من ذنب والله ياجماعه الشباب اللي لسه متخرجين الله يكون في عونهم لو محدش من اهاليهم ساعدهم عايزين 10 سنين علشان يحوشو تمن شقه 63 متر بمدينه بدر او العاشر من رمضان والله اللي بيحصل ده مهذله ومش عارف ان الناس هاتفضل ساكته لحد امتي ربنا يرحمنا ويلطف بينا
__________________
Essam Badawi
|