رد: الشعب يريد وسيلة تنقُّل كريمة
معاك حق يا استاذ تونسى لازم تكون فيه جهود بحجم مشاريع لحل مشاكل بالحجم ده لكن انا ضد تبنى مشروع واحد لتنميه دولة بحجم مصر وبحالتها اللى وصلت ليها لكن محتاجين مشروعات كبرى قومية عامة زى ممر التنمية ومشروعات متخصصة ومبادرات اهليه
والمشكلة ان بالفعل فيه مشاريع وجمعيات نقل عام انشأت للغرض ده وتم افسادها بالبيروقراطيه والفساد وانتهت بالفوضى والتسيب والرشاوى والبزنيس
احنا محتاجين فى الاساس مبادىء اهمية وادميه الانسان ومدى اهمية وحيوية وسائل النقل وتاثيرها على الاقتصاد قبل حتى راحة الناس وادميتهم غير ما تمثله من طابع حضارى
والمصيبة الاكبر ان مصر كان رائدة فى المجال ده زمان واللى يتفرج على افلام للقاهرة زمان يلاقى الشوارع والميداين متخططه صح وفيه نظام حتى فى الانتظار والركن والشارع فيه عربيات ملاكى وتاكسى واتوبيس قمه فى النظافه والنظام ونفس الكلام فى التورماى الكلام ده تسمعة من جدى وجدك وتشوفه فى افلام زمان كلها لحد اواخر عصر عبد الناصر والسادات وبعديهم المخلوع اللى تحولت فيهم الشوارع ووسائل المواصلات لكابوس مزمن متزايد يوم بعد يوم
__________________
اخر موضوعاتى
قريباً تقرير وتجربة اداء دايهاتسو تريوس * تويوتا راش
|