السلام عليكم
تم التوصل بفضل الله الى أفضل الأساليب الشائعه لتعديل فرامل الفيرنا الأماميه
الطرق دى متجربه فعلا بره ومفيهاش أى مشاكل
الطريقه الأولى : ودى أهمهم بالنسبه لينا - لأن العربيه الى مأخوذ منها القطع متوفره عندنا ( Elantra 2006 ) وكل حاجه هتركب بدون أى تعديلات
الأشياء المطلوبه :
Left and right 2001-2006 XD Elantra spindles
Left and right 2001-2006 XD Elantra calipers with mounting bracket and hardware
A set of front brake pads for a 2001-2006 XD Elantra
A pair of 2001-2006 XD Elantra rotors
ال Splindles هما ال Knuckle هلى موجودين فى الصوره ( مش عارف اسمهم بالعربى )
كمان هنحتاج Hub الألينترا ( أو الصره ) علشان الطنابير تركب عليها بدون مشاكل و طبعا ال Dust cover
يعنى لو بصيت فى الصوره الى فى أول صفحه هنحتاج من أول ال Knuckle لغاية ال Split Pin
طبعا ما علينا من علبة البيئه الى فى الصوره السابقه الراجل غيرها هو حر احنا مش هنغيرها
هو جايب طنابير وتيل ماركة ABC للألينترا 2006
وده الكاليبر بتاع الألينترا
ودى بقى مقارته بين طنبورة الفيرنا الأصليه وطنابير الألينترا من حيث الحجم
ملحوظه هامه جدا :
- أى تعديل من السابق ذكرهم هيحتاج انك تغير لجنوط أكبر أو مقاس كاوتش أكبر بالنسبه للتعديل الأول جنوط 14 هتبقى كفايه زى ما الألينترا بتنزل بوضع المصنع
- لما تجيب طقم جنوط اتأكد أنه يركب على مقاس ال Hub الجديد 4*114 مش القديم بتاع الفيرنا 4*100 و أظن ان معظم الجنوط الى عندنا بتركب على المقاسين لكن الإحتياط واجب
- وأخيرا يستحسن انك تغير زيت الفرامل بنوع نضيف
انا ان شاء الله ناوى اعمل التعديل الأول بس بعد ما انقل العربيه لأن الرخصه هتنتهى الشهر الى جاى
يارب يكون الموضوع مفيد وشكرا لكل من ساهم فى الموضوع
ويا رب مع الوقت يبقى عندنا سلسله مواضيع لتعديل الفيرنا ووضعها فى مكانها الصحيح
ولا تنسونى فى دعائكم