[الصقر_الجارح]

المشاركة الأصلية كتبت بواسطة samirayad الوره .........مصدرها غالبا بيكون سببه بلى مبوش ردىء داخل الفتيس وصوتها يشبه إلى حد ما صوت خشن فى البلى مثل صوت الرحايه وقت جرش الحبوب الشخشخه ......بيكون سببها وجود بوش أو زيادة خلوص بين التروس وصوتها بيشبه أما يكون معاك شوية فلوس فضه بجيبك وبتشخشخ بيهم هل سبق لك أن غيرت زيت الفرامل والدبرياج وهل تم إستنزاف الهواء من على ماستر الدبرياج السفلى لو الإجابه بلا ياريت تغير الزيت وتأخد الهواء وجرب

السلام عليكم

أول حاجة اسف على التأخير في الرد.

تاني حاجة لأ الحمد لله الفتيس عندي سليم لا يوجد به بوش أو وره أو شخشخة..

تالت حاجة والله معرفش يا أستاذ سمير اذا كان تم إستنزاف الهواء من على ماستر الدبرياج السفلى ولا لا حضرتك عارف أنا شاري العربية مستعملة من 7 شهور تقريبا.

بس أنا عن نفسي لأ معملتش اللي قولت عليه يعني لم أقم باستنفاذ الهواء من قبل.

طيب يعني رأي حضرتك أروح لمكانيكي وأخليه يعمل الحاكية دي الأول؟

وهل ممكن اعملها أنا بنفسي؟

وإيه رأيك يا بشمهندس أغير زيت الفتيس الأول وأشوف؟

لان أنا مغيرتش زيت الفتيس خالص قبل كده وحاسس إن المالك السابق بردو مغيروش خالص.

على فكرة أنا ممكن أغيرو بنفسي

شوف موضوع تغيير زيت الفتيس للأستاذ عصام غنايم. هنــــــــــــــــــا

وإيه أفضل نوع زيت ممكن أحطو بدرجة لزوجة 90؟

وشكرا.