[silverlite]

منقول
لكل الناس اللى مش فاهمة ييعني ايه يسقط حكم العسكر ؟
فكر كده شوية فى الكلام اللى جاى وان شاء الله تفهم لوحدك يعني ايه ...
يعني ايه كل مؤسسة بالدولة شركة او محافظة او مجلس محلى ...الخ رئيسها ياما من الجيش ياما من الشرطة ياما من المخابرات العامة...الخ يعني بالمختصر ن ااى جهة تابعة للمؤسسة العسكرية ويتم تعيينه مش انتخابه وسنه من ال60 وطالع
يعني ايه مؤسسات الدولة يبقى فيها ملحق عسكرى بيتعرف ويحكم وي...تحكم عن كل صغيرة وكبيرة
يعني ايه شركات ومصانع التابعة للجيش زى مصانع الحربية ومصانع الاسمنت والشركات والهيئات تدخل مكسبها فى صندوق الجيش مش فى ميزانية الدولة بالرغم من ان الجيش ليه اكبر ميزانية فى الموازنة
يعني ايه ماتسالش الجيش المكسب اللى بيدخل بتعمل بيه ايه.. ياترى بتوزعه على الجنود ولا على صف الضباط ولا على القادة ولا على المجلس ..ولا بتخدم بيه البلد والغلابة اللى مفيش اكتر منهم
يعني ايه تدخل الشرطة والحربية واى كلية عسكرية ياما بالرشوة ياما بالكووووسة ياما يبقى والدك او عمك او اى حد من قرايبك منهم هى كلية تخدم البلد ولا مزرعة بتورث فيها
يعني ايه مفيش رئيس يبقى مدنى ؟؟؟ يعني الدولة بقت من ملكية الى عسكرية ..وياقلبي لاتحزن ؟
يعني يسقط حكم العسكر اللى بيتدخل فى كل كبيرة وصغيرة فى شئون البلد وماسك كل زمام الامور ومش عايز اى حد يحاسبه
يسقط حكم العسكر اللى بيقتل اخواته المصريين وساب حق اخواته على الحدود اللى اتقتلوا من اسرائيل
يسقط حكم العسكر اللى خايف من امريكا وبيسايسها ومش خايف من ربنا وسايب الناس تتقتل فى غزة ومانع عنها المعبر و المساعدات
يسقط حكم العسكر اللى كل شوية يقولك اللهو الخفى والايدي الخفية والفلول وطرة والطرف الثالث المسئول عن الانفلات الامنى
يسقط حكم العسكر اللى بيقولك انتوا عارفين مين اللى اتهجم على الالتراس وانتوا ساكتين على البورسعيدية ليه اللى قتلوا الاهلوية
يسقط حكم العسكر اللى بيقول على كل دم اتسكب على ارض ترابك يامصر ومانشفش عاادى بيحصل فى كل حته
يسقط حكم العسكر اللى يقولك معندناش خرطوش معندناش قصاص معندناش داخلية معندناش شرطة عسكرية
يسقط حكم العسكر اللى داس علينا بالبيادة وعرى البنات وكشف العذريات وقال على اشرف الناس بلطجية
يسقط حكم العسكر واللى لسه مش فاهم هيجي الدور عليه وساعتها هيفهم