[حسام البورسعيدى]

العربية دى بالمواصفات اللى بتقول عليها (فبريكه بالكامل وماشيه قليل وسليمه كلها ) تبقى عربية حلوه .. ولو سعرها فى حدود 50 - 55 الف تبقى عربية لقطه ..

على فكره العربية دى موجوده فى بورسعيد بس مش كتير زى السيفيك العادية .. ومعروفه باسم "سيفيك انجليزى" وخصوصا بين تجار الاستيراد لان تصميمها انجليزى .. وانا اعرف واحد صاحبى عنده نصف امامى ليها ..

لكن للاسف الشديد قطع غيارها قليلة ونادره شويه حتى فى بورسعيد .. وبره اعتقد نادره جدا .. ولكن ارجع واقولك انها هوندا يعنى عربيه معمره جدا ولو انت استخدامك معقول وبتحافظ على العربية انصحك بيها اذا كان سعرها حلو .. ويوم ما تحتاج اى قطعة غيار ومتلاقيهاش ممكن تبقى تنورنا فى بورسعيد وتجيبها من هنا .. بس حاول تحافظ على الصاج بقدر الامكان علشان هو اللى مش هتلاقيه بسهوله ...