المشاركة الأصلية كتبت بواسطة samirayad
هقولك على فكره كويسه
خللى الكهربائى يشيلك فيوزات عملية التحكم من علب الفيوزات
وخليه يوصلك لمبه 12 فولت فولت على التوالى مع موجب البطاريه
( اللمبه هتكون موصله بين موجب البطاريه والقطاش الموجب )
فلو أضاءت اللمبه على هذا الوضع
فلتعلم أنه يوجد عندك قصر كهربى فى أحد الدوائر الكهربيه للسياره
( يعنى فيه سلك ملمس بأرضية السياره وبيسحبلك كهربة البطاريه لما بتكون سايبها متوصله بالقواطيش )
|
بشمهندس سمير / ممكن استفسار
اشيل انهى فيوزات بتاعت التحكم ومكان علبة الفيوزات اللى فى الصالون ولا فى المحرك
عشان عاوز اعمل التجربة بنفسى
وكمان سؤال التوصيل على التوالى يعنى اشيل كبل البطاريه الموجب خالص وابعدة واجيب سلك اللمبة واوصل فردة على موجب البطارية وفردة على القطاش الموجب واسيب القطاش السالب مكانة
ارجو التفسير الميسر وتقبل تحياتى الحارة وخالص دعواتى واعتقد كمان دعوات غيرى لكل المشاركات والمداخلات المفيدة والتى استفدت منها شخصيا فى الكثير من الموضوعات اللهم بارك لنا فى امثالك (امين )
