[top gear]

المشاركة الأصلية كتبت بواسطة bolbol_675 صباح الفل على احسن منتدى واحسن اعضاء انا حصلتلي حادثه بس ماكنتش انا اللي سايق كانت على طريق الاسماعيليه الصحراوي كان عمي سايق وانا كنت قاعد جمبه وكان ابن عمي واقف ورا بين الكرسيين اللي قدام وكان قاعد جمب ابن عمي ورا عمتى وبنات عمتي (2)وابن عمتي و زي ماتقولو عمي كان عايز يكلم ابنه فبيبص عليه الدركسيون فلت منه دخلنا في عمود نور والعربيه اتقلبت بينا كذا مره و النتيجه ان ابن عمي الله يرحمه مات بعد مادخلت العربية في العمود اتنطر من الزجاج الامامي للسياره وطبعا راسه اتحطمت انا نزلت من العربيه وقعدت اصرخ لما شوفت منظرة لأنه برغم ان سنه كان 7 سنين بس لكن كان صاحبي اوي وكنت بحبه اوي الله يرحمه وعمي نط من العربية وكانت النتيجه ان اتركبله شريحه و مسامير في رجله قعد على أثرها حوالي 8 شهور يتعالج وعمتي دراعها اتشرخ و الحلق اللي كانت لابساه اتقطع مع ودنها وبنت عمتى الصغيره راسها اتفتحت واخدت 12 غرزه وبنت عمتى التانيه ماحصلهاش اي حاجه وابن عمتى كان فاقد الوعي تمام لمدة يومين وكان واخد غرزتين في وشه وانا ايدي اتفتحت وراسي اتعورت فيها مع حبة كدمات الحاجه اللي تعبتني ست شهور بعد الحادثه الخياطه اللي كانت في ايدي بعد مافكيت الخيط ايدي فضلت توجعني روحت لكذا دكتور قالي مافيش حاجه لغاية مادكتور قالي اعمل اشعه على ايدك تخيلو اكتشف ان في زجاج من بتاع العربيه جو ايدي والدكاتره اللي خيطو ايدي في مستشفى بورسعيد خيطو على الزجاج الحمد لله الحمد لله الحمد لله أه على فكره دفعنا تمن العمود للحكومه 500 جنيه تقريبا مش فاكر بالظبط غرااامه ياربي لك الحمد كما ينبغي لجلال وجهك وعظيم سلطانك

حمدلله على السلامة.. فعلا السواقة دي مالهاش كبير


///