المشاركة الأصلية كتبت بواسطة عمرو رافت
سؤالي لو سمحت هو اشتري سياره جديده من وكيل ولا من تاجر سيارات ؟
و ايه رايك في المصريه للسيارات؟ (طبعا سؤالي للحصول علي احسن سعر )
ايه راي حضرتك في لانسر الشارك و الكروز؟ صحيح إن فتيس لانسر الشارك باربع نقلات؟ و الاحسن الاوتوماتيك ولا المانيوال بالنسيه لظهور الاعطال؟
فيه فرق بين السيارات الجديده الكوري و الياباني و الالماني من ناحيه نظام التعليق و متانه الصاج و البدي مع ملاحضه إن كل صانعي السيارات تلتزم بمواصفات الجوده و المتانه و الامان و اليزوو ..؟
ارجو الافاده
|
و الله التوكيل ساعات بيعمل اسعار ارخص من برا و ساعات المصريه بتعمل اسعار منافسه
هقولك على حاجه مره روحت المصريه اخر 2011
و لاقيتهم عاملين عرض على التيجو 1600 سىسى ب 81 الف
بدل من 87 الف
فيعنى كل وقت و ليه نظامه
بالنسبه للفتيس
اعطال الاوتوماتيك اكتر من المانوال
بس اللى بيستخدمه كويس و بالطريقه الصحيحه بيبقى معمر اكتر
طب ما عندك الجيتا 2011 و الفتيس كله اعطال من غير متستخدمه و المانى كمان
و لو انت كونت سايق اوتوماتيك و عاوز تنزل لمانوال هتتعب جدا جدا جدا
و لو كونت سايق مانوال و هتنزل لاوتوماتيك يبقى كويس
فى مصر الاوتوماتيك افضل بكتير من المانوال علشان الزحمه
بالنسبه للانسر شارك
الفتيس المانوال 5 سرعات و الاوتوماتيك 4 سرعات زى ما حضرتك قولت
بالنسبه للفرق بينها و بين الكروز هى الميتسوبيشى حلوه كيابانيه طبعا
بس الكروز بتعجبنى كشكل من طابلوه و خارجى
و كمان الكروز بتنزل دلوقتى بالموتور الجديد الالمانى الخاص بها
بالنسبه للامان و المواصفات معظم الشركات بتتجه نحو الامان و الدقه اكتر
حتى الصين عندها الجيلى امجراند دخلت اوروبا بسبب انها اجتازت اختبارات الامان بشكل مبهر
المصريه للسيارات عيبها انها ساعات بتبقى مش ملتزمه
انا كذا مره اروح و الاقى ناس بتتخانق معاه
يعنى يبقى عميل متفق على لون و يجيبولوا لون تانى خالص
بس مش اكتر
و اى سؤال انا تحت مرك
: 01FDAB~189: