المشاركة الأصلية كتبت بواسطة ayman.mahmoud
السلام عليكم انا جبت نيسان صنى موديل 2011 فى شهر ديسمبر و جبتها بعد تفكير طويل و سؤال و كان معايا دايو لانوس 2008 و بصراحة من يوم ما اشتريت العربية انا متنكد جدا اولا التابلوة بيقع على طول من اول ما طلعت من المعرض ثانيا العربية سحبها بطىء جدا جدا سواء تكييف او من غير العربية العزل فيها وحش جدا جدا يعنى الدايو الكورى احسن منها فى الموضوع ده و انا مشغل التكييف كل شوية تطلع ريحة عطن رهيبة و مش عارف ايه السبب الأدهى بقى و انا ماشى فى صلاح سالم امبارح التكيف فصل فجأة و بقى يجيب هوا عادى و لما قفلته و شغلته تانى اشتغل طبعا انا متنكد جدا العربية عاملة 7000 كم و بالشكل ده و رحت التوكيل لقيتهم بيقولوا ان السحب ده مشكلة فى الصنى كلها و كمان التابلوه بسبب ان فى سوست بتقع حاجة كدة اى هبل و كلام فاضى ياريت حد يفيدنى يا جماعة لحسن انا مقهور
|
ده كده عيب صناعه ومن حقك مليون فى الميه تغير السياره يا باشا على فكره من كلامك كده حسيت انك روحت لتوكيل السبع لان مع الاسف محدش هناك بيقول الحقيقه لو فيه عيب قوى فى السياره وحيحاول فعلا يقنعك ان السياره هى طبيعتها كده عشان يهرب من انه يغيرهالك وده من حقك ولو مشكلتك متحلتش تبعت فاكس للشركه الام باليابان وتروح تعمل محضر وتطلع على جهاز حمايه المستهلك بنفسك ومتتصلش بيه وتغلس وتعمل اليى انت عاوزه وده من حقك طبعا لان العربيه زيرو ودى مع الاسف مشكله بتكون فى التقفيل المصرى للصنى بس مبتعديش نسبه 10 % من مجموع السيارات المنتجه فى مصنع نيسان المصرى ومتخليهومش يصلحولك حاجه من حقك تغير العربيه وده جواب نهائى