رد: سؤال عن ابيزا 2001
هي سعرها من 40000 إلي 45000 ألف ده سعر العربيات اللي حالتها كويسة ولو حد طلب منك أقل من كده اكشف على العربية عشرين مرة قبل ماتشتيريها وأتأكد ان التكييف فيها والبور لان في منها بينزل من غير بور وتكييف ونصيحة بلاش تسترخص لو لقيت عربية أول يد وفبريكة برة وجوه وصاحبها حريص اوعى تسيبها
كل اللي نزل مصر 1000 cc , بس هى نزلت بره في اوروبا والخليج 1400cc
هنا في مصر الناس بتسقط موتور 1400 عادي من غير اى تعديل بس لازم يكون ميكانيكي كويس عشان العربية تبقى مظبوطة , ويستحسن موتور mp4 عشان هو ده اللي بينزل فيها بره وفي التوكيل قالوا كده.
انا عندى عربية 2001 1400 بس انصحك بلاش تشترى ابيزا خالص. لانى 1000 cc في الغالب لو دورت هتلاقي فى كتير عربيات حالتها حلوه بس هتخنقك فى الجري والسواقة لان موتوها صغير خصوصا في الصيف مع التكييف وانا كانت معايا 1000 cc وبعتها السنة اللى فاتت, أما 1400 cc ممتازة فى السواقة والجري وهتحسسك انك راكب جولف بس المشكلة هتكون مشيت كتير وصاحبها غيرها موتور لان الموتور الاول تعب منه من المشي فهتخنوقك في المصاريف, واوعى تتخدع فى الكيلو متر بتاع العدادات, عربيات كتييييييييير مقلوب العداد بتاعها
المشكلة التانية مش كتير ميكانيكية وبتوع كهرباء بيفهوا فيها ودي مشكلة مش سهلة لان في مرة كنت مسافر وترموستات الحرارة باظ فجبت كهربائي بهدلى العربية وخلاني صرفت بعد كده أكتر من 1500 جنيه. لو انت ساكن قريب من الحرفيين المشكلة دى مش هتقلقك.
الخلاصة, العربية دي ممتازة في الشكل والسواقة لو كانت 1400 بس صيانتها متعبة وبعدين لو واحد باعلك العربية معندوش ضمير ودول كتير اليومين دول خصوصاً في بيع العربيات هتكلفك كتير وهتخليك تكره نفسك
نصيحة لو اول مرة تركب عربية أدفع الفلوس اللي معاك مقدم عربية لانوس هتريحك بعد كده ومش هتروح لميكانيكية يضحكوا عليك ويعملوا عليك شغل للصبح ولو عاشت معاك كتيرقطع غيارها رخيصة وكل الناس بتفهم فيها
وربنا يوفقك
|