المشاركة الأصلية كتبت بواسطة أسامة محمد جابر

السلام عليكم ورحمة الله وبركاته
العربية الشاهين والتى تتصدر المرتبة الأولى قبل العربية اللادا إختفت طبعا مع إغلاق شركة النصر للسيارات مع حزن ناس كتييير أوى على فراق العربية دى ولكن وأنا بدور وبدعبس على العربية دى لقيت موقع عربيات عارضها زيرو وبنفس الشكل ماعدا الشكل الداخلى هوا متغير حبتين عن الشاهين الحديثة فمثلا التابلوم النظام القديم مش النظام الجديد ( الطيارة ) وأزرار النور ، الإنتظار والفوجلايت على الشمال زى موديلات التسعينات ولكن عدادات التابلوه على النظام الجديد إلى هوا الشاشة المفتوحة على بعضها مش 3 مربعات ومن غير باكتات فى الجناب ولكن زود ميزة فيها وهيا السخان الحرارى للزجاج الخلفى وغير لون فرش الباب وتصميمة ولكن شفت حاجة محيرانى ومش عارفها وهيا العلامة الأمامية وهيا تشبه نجمة البحر والعلامة دى شفتها على موديل عربيتين واحدة منهم معرفش صينى ولا ايه وشكلها يشبه الفيات السيينا والموديل التانى على عربية متفرقش عن المرسيدس C 150 أى حاجة والى يشفها يتلخبط بينهم ومش عارف هل العلامة دى علامة شركة JAC ولا ايه وعلى العموم أنا عاوزكم تتفرجوا على الموقع الأول ولو اى مستورد عجبه الموضوع ممكن يستورد لنا شاهين تانى وترجع المية لمجاريها ونفرح الناس الزعلانة وانا واحد من الناس هشترى واحدة منها واسيبكم مع لينك الموقع الرسمى لشركة هولند كار ومع الأسطورة الشاهين وربنا يجيبك بالسلامة لمصر http://www.holland-car.com/ . تحياتى