[wawoo]

معليش يا جماعة انا حقول راى يمكن يكون مختلف شوية , انا الحقيقة شايف ان موضوع الشهيدة تم تضخيمة بشكل غريب , انا طبعا زيكم زعلان من اللى حصل , لكن الموضوع اخد ابعاد تانية خالص و هو فى الحقيقة لا يعدو كونة جريمة قتل ليس اكتر , اذا كان هناك متعصب قام بجريمة قتل , فهو فى النهاية مجرم ليس اكثر , ولا يمثل الحكومة او الدول الالمانية او الشعب الالمانى , دة مجرد شخص مريض مطترف , و فى زية كتير فى المنيا , و اسئلو الاتراك اللى عيشين فى المانيا بيتعرضو من وقت لاخر لحوادث مماثلة و يمكن اكثر بشاعة .

و بعضين حنروح بعيد لية , طيب مافى حوادث قتل من متطرفين حصلت فى مصر , و اخرها كانت البنت اللى قتلت فى الحادث الارهابى فى الازهر .
بعد الحادث تفهم الجانب الفرنسى الموقف و عادت من تانى حركة السياحة , و مش بس كدة فى مجموعة فرنسية زارت مصر لاتاكيد على حسن النواية .

يبقى ياريت نتعامل مع موقف الشهيدة دة فى حجمة و بلاش الكلام الكبير و دعاوى الكراهية اللى فى ناس معينة غرضها انها تنتشر بينا و بين الدول الغربية , الحادث كان مجرد جريمة قتل عادية ممكن تحصل فى اى حتة فى العالم و حصلت كتير فى مصر .