[Felefel Ahmed]

المشاركة الأصلية كتبت بواسطة بدر بسيونى - اضونور السيارة المنخفض(العالى سوف ينعكس مرة ثانية لعينك واستخدم انوار الشبورة اذا كانت سياراتك مجهزة بها) وانت ماشى فى الشبورة ماتولعش الفلشر(الانتظار) عشان لما تيجى تقف لو اماك اى شئ السيارات التى تسير خلفك لن تعلم انك توقفت وشغله فقط عندما تخرج الى جانب الطريق وتتوقف تماما وربنا يكفينا كلنا من شر الحوادث ويعفى عنا اضرارها كلنا وشكرا

السلام عليكم
احب أشكرك علي الموضوع الجميل ده وسبحان الله انا عضو جديد بس سواق قديم والسواقه ملهاش كبير وكنت ناوي أكتب الموضوع ده بس أول ما دخلت لقيت موضوعك الجميل
أحب أعدل وأضيف
- نور السياره يجب أن يكون علي السهاري وليس الواطي (الواطي ارتفاع اضاءته بترض النور من الشبوره الي عين السائق) وتزيد من معاناه سائق السياره ألي أمامك
- السير في صوره طابور يعني واحد في المقدمه والسيارات تمشي طابور وراه
- الطابور بيمشي فى منتصف الطريق (الحاره ألي في النص) وبيكون خطين الحاره هما ميزان السير كذلك لو ماشي لوحدك
- تسيب مسافه أقلها 5 الي 10 متر من ألي قدامك (حسب كثافه الشبوره والسرعه)
- القياده فى الليل نفس الكلام بس بتدي رعشه نور عالي كل 100 الي 150 متر علشان حبايبي ألي بيمشو مضلمين خالص
- الزينون ممنوع تماما لأن درجه أنعكاسه علي الشبوره عالي جدا بعكس الضوء الأصفر جزء منه بخترق الشبوره وجزء بينعكس , علشان كده كل اضاءه الشوارع صفراء
- لو الفوجات صفراء شغلها بس لو زينون بلاش أرجوك
- تشغل الأنتظار طول منتا ماشي أوعي تقفله علشان ألي وراك يشوفك لأن نور السياره الخلفى ضعيف ومش بيخترق الضباب زي الأصفر + الفلاشينج بتاع الأنتظار منبه أعلى من الأحمر الخلفى
- لو أنت ألي ماشي فى المقدمه و عايز تفرمل بترعش على الفرامل ثم تفرمل وطبعا سرعتك بطيئه جدا أصلا
- لو فيه عربيه نقل أو أي شئ وعايز تطلع من الحاره ألي فى النص الي أخرى يمين مثلا بتقفل الأنتظار وترعش فرامل وتدي اشاره يمين