السلام عليكم
اولا الحمد لله علي كل شي وقدر الله ماشاء فعل
الحادثه دي من فتره بس مكنش عندي الصور لحد مجبت الصور قلت انزل الموضوع
من فتره واحد صاحبي طلب مني العربيه قالي عاوز اسافر بيها بورسعيد هو معاه عربيه لادا بس قالي مش مريحه وعاوزه شغل حاخد العربيه بتاعتك قلتله اوك
المهم خد العربيه وراح فول بنزين 92 وبعدين قبل ميسافر قال ابص علي الزيت والميه
مع العلم ان العربيه فيها كمبيوتر لو الميه نقصت شويه بس بين max و min يطلع عندك علي الشاشه يعني ممكن تسافر بيها كمان يعني صعب جدا انها تسخن لانها بتعلم علي الشاشه لو نقصت شويه صغيره جدا ونفس الحكايه في الزيت كمان اي نقص في الزيت لو حاجه بسيطه جدا بتظهر قدامي
انا عارف انه مكنش يعرف كل الكلام ده المهم بعد مبص ولاقي كله تمام وبيقفل الكابوت جاله تليفون رد عليه وقفل الكابوت وهو بيتكلم بس مش علي الاخر يعني علي الشداد بس كان لازم يدوس علي الكابوت جامد مخدش باله انشغل في التليفون ونسه وركب العربيه وطلع طبعا دولي
زي مكل الناس عارفه تلاقي الكوبري في اخره واوله عامل زي المطب وصاحبي كان متاخر المهم في كوبري من الكباري كان جايب 150 وفي اخر الكوبري مطب جامد وهو نازل الكوبري الكابوت فتح في وشه اسيبكم مع الصور وبعدين نكمل