بص ياباشا هى العربية مش معايا للاسف ( وانا من اشد المعجبين بيها ) ولكنى كنت من اوائل الناس المتابعين ليها حتى من قبل ماتنزل مصر وكنت بنصح بيها ناس كتير وخصوصا لما سعرها نزل لان هى اول ما نزلت تقريبا فى 2008 كان سعرها مقارب 90000 وكانت المانيوال ولما ملاقيتش اقبال عليها لانه طبيعى عربيه صينى ولسه جديدة فى السوق المصرى بتاع اشترى المتجرب وتمنها غالى ممكن اركب بيه حاجات تانية كتيييييير ومعروفه ومجربه وكانت اسعار الصينى اللى فى مصر اقل من 70000 يبقى ليه الواحد يعمل فى نفسه كده ولكن علشان التوكيل محترم جدا وبيهتم باراء الناس وبيعمل دراسات ازاى الناس فى مصر بتفكر سرعان ما قام بتخفيض سعره الى ما يقارب 70000 علشان تنافس وتنتشر وبعد كده يبقى يعلى سعرها واحده واحده( نظريه بردوه ) وفعلا من اول العربية ما سعرها نزل والانتشار ابتدى يظهر ويبان والحجوزات على ودنه المهم وبعد كل ده العربية انا نصحت بيها زميل ليه وراح واشتراها وكانت موديل 2010 وما شاء الله من ساعة ما جابها وهى معاه 100 / 100 وما اشتكاش منها خالص وانا كمان كنت بوقف اى حد بلاقيه راكبها فى الشارع وبساله عليها وبالامانه كانوا بيشكروا فيها جدا وكمان صاحبى ده راح التوكيل مرتين لان المرايه بتاعت الجانب اتكسرت مرتين يعنى خبطات عاديه ( مش عيب فى المرايه يعنى ) وكانت بتتغير فى التوكيل وعادى جدا ومن غير اى مشاكل وبتترش عندهم وكل حاجه وصحيح ان توكيل البافاريه غنى عن التعريف و محترم لابعد الحدود وكمان هو وكيل لبى ام وغيره الا ان اسعاره للبريليانس عاديه جدا يعنى بيفرق مابين عربية ب 75000 وعربيه ب 250000 .وانا نفسى اشتريها لغاية دلوقتى وان شاء الله استلمها بعد 6 شهور حتى مش مهم هو الواحد بيشترى عربيه كل يوم وبعدين العربيات بتعتبر سلع معمره فمش خساره فيها انك تستنى عليها وخصوصا انها تستاهل وانا ان شاء الله اول ما الظروف تسمح لى هحجزها على طول وانا مش سايبها انا باستمرار متابع كل اخبارها واسعارها وانت بردوه ابقى اسال عليها تانى وادخل القسم الخاص بيها على المنتدى وشوف وصلى استخارة وربنا يوفقنا جميعا للخير.
( ودى وجهة نظرى ومش فرض انك او غيرك يلتزم بيها وشكرا )
