انا هفترض ان النقلات عندك بالترتيب ده P R N D 2 1
من تجربتي لعربيات اتوماتيك كتير (مش بينهم الصني)، كل اللي حضرتك محتاج تعمله انك تهدي السرعة بس لحد ما توصل لسرعة مقبولة للغيار 2 او 1 عشان بس الماتور مايزعقش في وشك
ساعتها ممكن تنقل براحتك.
في عربيات فيها زرار في الفتيس وفي اللي مفهوش، من اللي فيهم(أتوقع الصني كده) في منهم لازم تدوسه عشان تنقل للغيار الأقل، غالبا هاتقدر تدوسه من غير فرامل
لو حضرتك عندك الكتاب بتاع العربية، لازم هتلاقي الكلام ده كلو مشروح فيه.
بالنسبة لجزئية المطالع، انا مش شايف اي داعي للنقل للغيار الأقل. العربية بتصغر الغيار بنفسها لو لقت نفسها محتاجة كده، جرب كده تبقى طالع مطلع، وثبت رجلك لا تزود بنزين ولا تقلل، طبعا السرعة هتقل عشان المطلع، لما بتقل بدرجة كافية هتلاقي العربية لوحدها بتصغر الغيار (هتلاقي صوت الماتور وال RPM عليو) وكلو هايبقى تمام
ملاحظة اخيرة:
لما بتقع في ايدي عربية ايجار
لازم في اي اشارة احطها على ال N وازود البنزين واول ما تفتح الإشارة انقل على ال D وهاتك يا أحلى امريكاني
لا فرامل ولا زراير ولا هم يحزنون