فعلا الصراحه نسبيه ...
ازاي اوصل اللي عايز اقوله بدون تجريح
ان النصحيه تكون لوجه الله .. بغرض النصح او الافاده مش لأي سبب تاني ... حق يراد به حق ...
اني اكون شخصيا على قدر ومكانه الصراحه ... يعني تكون صراحتي بناءه و في محلها مش مجرد رأي شخصي او اعتقاد .. ودي صعبه جدا ... لأنها معتمده على معايير و معتقدات ..
زي مثلا ما اقول رأيي في عربيه معينه بكل صراحه لكن انا نفسي مبفهمش اوي في العربيات ... بقت صراحتي منقوصه العلم و الادراك ... او بمعنى تاني انا غير مكافىء او ملائم لهذه الدرجه من الصراحه ...
الصراحه بتعتمد على المتلقي بدرجه كبيره ... هل سيتقبل صراحتي ام سيعتبرها اهانه او تمسح !!
حدود وابعاد الصراحه تتداخل (للأسف ) مع حدود ... الصفاقه او البجاحه ... قله الذوق ... التدخل في شئون الغير ...
اصعب حاجه انك تواجه اي شخص بعيوبه بمنتهى الصراحه ... لأنه ساعتها حيقولك كل عيوبك من نفس المنطلق ... و بمنتهى الصراحه برضو ptmnlo123per184
صعب جدا على الواحد انه يعترف بعيوبه او مشاكله .. انا لا اكذب و لكني اتجمل ... و غالبا حيدور على مبررات و اسباب .. يقنع بيها نفسه قبل غيره ... زي عاده التدخين مثلا
ممكن اكون بخيل جلده .. لكن حشوفه حرص وبالتالي مش حقتنع بكلام اي حد يقولي اني بخيل .. بالعكس حشوفه هو اللي مسرف ببذخ ( المعايير الخاصه و العامه )
الصراحه المطلقه .... هي اسهل انواع الصراحه في التعبير و اسواء انواع الصراحه في الايذاء النفسي ...
اهم نوع ... صراحه النفس ..
اكون صريح مع نفسي قبل ما اكون صريح مع الغير ...
هل انا صريح مع نفسي ؟؟
اممممم احيانا ...
هل انا صريح مع الاخرين ؟؟
امممممم .... ساعات
هل انا صفصطائي ؟؟ ( بهرتل بلغه الشارع )
وانا اشعرفني ....
اسألو الناس اللي قرت المشاركه !!
القصد
مفيش انسان كامل ....
الكمال لله وحده ...
وربنا يجعل كلامنا خفيف عليكم ptmnlo123per1127