رد: لماذا يغضب الناس من الصراحة ؟
أقولك بصراحه بس ما تزعلش !!! ههاهههاهها
علشان تقول الصراحه لازم تتصف بالنصاحه ! يعنى ما تقولش لشخص ما انت حمار ! و لكن قول له مثلا
تحب أجيب لك برسيم أد ايه على الغذاء !!! هههاههها
نتكلم جد بقه ! يعنى الكلام موش ح يبقى مرتب و لا منمق و لكن اللى ح يطلع فى دماغى هينزل على
الكى بورد ! أولا الصراحه راحه ! بس لمين وامتى ؟ هى دى المشكله ! فيه صراحه مطلقه مطلوبه وبالشرع
و الدين وهى عند الشهاده فى محكمه أو على حقوق ماديه أو غير ماديه ! وفيه صراحه بين الزوج و زوجته
بس برده لحدود ! يعنى لو سألتك أنا حلوه ؟ قولها طبعآ انتى موش أحلى واحده فى العالم ( ما كذبتش طبعا )
بس فى نظرى انتى أحلى واحده ! فى صراحه مطلوبه لما ابنك يقولك زود لى المصروف يا بابا وانت تقوله لآ
وانت مكشر ! فى صراحه عندما يسألك صديقك الصدوق أو أخوك ( بس ) عن أحوالك أو ايه اللى مضايقك !
و الصراحه غير المطلوبه هى الصراحه التطوعيه أو الصراحه النصحيه أو الصراحه التى تشعرك بالزهو و تشعر
الآخرين بأنك أفضل منهم و عامل كبير عليهم أو غير مهتم بهم ! يعنى مثلا سعادتك راكب مرسيدس شبح
و واحد صاحبك أو ما تعرفوش راكب سيات 133 مكسره و قابلته فى محطة بنزين و يقولك والله السيات دى
عربيه حلوه و شايلانى و كتر خيرها ( هوه قال الصراحه ) وانت بقى تقوله هههاهها هى دى عربيه ؟ دى معفنه
دا الفسبه أجدع منها دى موديلها انتهى من 30 سنه ( برده انت قلت الصراحه ) ! يبقى الصراحه دى حاجه
نسبيه و متروكه لظروفها ! و المؤمن كيس فطن ! و ليس كل ما يعرف يقال و ليس كل ما يقال حضر أوانه و ليس
كل ما حضر أوانه حضر رجاله !
ياريت أكون أوجزت فى الاجابه !
Dr. Bolbolan ptmnlo123per1127
التعديل الأخير تم بواسطة Dr. Bolbolan ; 27-06-2009 الساعة 07:24 AM
|