[فادي مكرم]

المشاركة الأصلية كتبت بواسطة aymangalal ربنا يعوض عليك والحمد لله انها بسيطة كده واعتقد ان الاهم من محتويات العربية... هى العربية نفسها حاول تأمنها بفكرة الاستاذ وليد انك تعمل زرار فصل كهرباء وانت تبقى عارف مكانه (ابقى قولى فين؟؟..هههههه) لو الكهربائى معرفة يبقى توكل على الله واعمل عنده لو مش ضامنه شوف كهربائى بعيد ولو انى ماعتقدش ان الكهربائى يوز حد عليك عشان يسرق العربية امال هوه شغال بالحلال ليه؟؟ تانى حاجه فكرة اللمبة اللى شكل لمبة الانذار كويسة برضه وممكن تعمل فلاشر بماكينة الفلاشر زى بتاعة الاشارات كده ومش بتستهلك كهرباء خالص فى فكرة كويسة برضه تحل محل الانذار مؤقتا لكن عايزة كهرائى عايز يشتغل لانها بسيطة بس عايزة صبر هاتعتمد على فكرة الانذار برضه لكن هانوصل كل حاجه على الكلاكس كالاتى الزرار اللى بينور لما تفتح الباب (موجود اساسى فى البابين الاماميين-ويمكن الخلفى) اعمل زيه للشنطة والكبوت تماما وخد وصلة منهم كلهم رايحة للكلاكس بحيث( لما الزراريفتح الكلاكس يضرب) وقبل ما تدخل على الكلاكس اعمل مفتاح (واحد شدة مثلا) او اى مفتاح on-off ,]ه بقى هايكون بره العربية فى حته سهلة الوصول عن طريقك انت بس (معايا ولا فصلت؟؟ هههه) اقفل العربية وكله تمام وشد المفتاح قبل ما تمشى (ماتنساش) كده تبقى الدايرة اتقفلت واول ما الباب او الشنطة او الكبوت يفتح الكلاكس هايفضح الدنيا على الاقل هايربك الحرامى وبرضه ماتنساش قبل ماتفتح العربية تبقى تفصله المكان بقى ممكن يكون فى تجويف الاكصدام او الرفرف او اى حتة ايدك تطولها من بره وفى نفس الوقت يكون بعيد عن الطين والميه والخبط ويستحسن تلفه فى كيس للاحتياط فكرلها انت بس كده وهتلاقى حلول كتير ان شاء ده احنا داخلين على ايام ربنا يعلم بيها وربنا يسترها عليك وعلينا

عندي الزرار دة فى الاربع ببان
بس ملهوش فايدة ولا بينور ولا بيطفي بس طالما موجود يبقى يعمل بلقمته
وانا الكلاكس عندي بيطرش وعالي وعندى كلاكس قديم كمان ممكن احطه جوة الكابينة
عشان تبقى خراب عليه وع اليوم اللي فكر يلعب مع حشيشة فيه
عموما انا غطيتها و شيلت كابل الموبينة و سوجرت الطارة مع الدبرياج وقفلت قفل الطارة وعشقت مارش وركنتها تحت البيت
ربنا يستر عليها

صحيح : المنطقة كلها اتسرقت امبارح اللي كاسيت ونضارات ب 500 جنيه منهم عربية من عمارتنا
كله يحرص بقى على عربيته واللي يقدر يفك وش الكاسيت وياخده معاه ياخده