[Eng/salwa]

المشاركة الأصلية كتبت بواسطة mar mar انا بقي نفسي انصح بنات جيلي اولا حافظي علي نفسك وعلي مشاعرك لان الزباله كتير اوي في الدنيا ولما هتقبلي اللي انتي هتجوزيه هتبقي مشاعرك بارده حفظي لي مشاعرك ونفسك اوعي تصدقي كلمه بحبك كلمه بحبك دي يعني دبله في ايدك يعني دخل بيتك اما من براه كده يبقي مش بيحبك هو بيتسلي بيكي بس ما تركبيش مع حد العربيه حتي لو كان مين وتعرفيه وعارفه انه محترم متركبيش برضوا اول ما تتاكدي انه عايزك وخلاص دخل البيت وربطك بدبلتوا جانبك ابداي اختباراتك الاختبار الاول حاولي تعصبيه شوفيه لما بيتعصب عصبيته بتوصل فين يعني لو متجوزين هينطق الطلاق علي طول ولا عاقل وبيعرف يمتص غضبوا لو في وصت عصبيته وفي كل مره بيتعصب فيه يقولك خلاص انتي من سكه وانا من سكه يبقي ده مش بتاع عشره ولا بيت ده هيبقي سهل عليه كلمه طالق الاختبار التاني حطيه وسط بنات كتير وراقبي تصروفاته يعني عملي نفسك مش غيرانه عليه وسبيه علي راحته ويتصرف بطابعتوا مع البنات لو لقيتيه بيبص علي البنات يبقي انسان سافل ومش هيصونك وعينه زايغه ومش بتاع ربنا لو احترم وجودك واحترم نفسه وغض بصروا وسابك ومشي وقالك انامستنيكي براه يبقي انسان محترم الاختبار التالت اتعصبي انتي بقي اتعصبي علي اي حاجه واتنرفزي بس من غير تعليه صوت وشوفيه هيستحمل عصبيتك ولا لا الاختبار الرابع خلي ابوكي يعارضه في حاجه وشوفيه هيطلب منك انك تعصي ابوكي وتمشي علي كلامه ولا لا لو طلب منك انك تكسري كلمه ابوكي يبقي ميستحقش حاجه الاختبار الخامس اقعدي انتي وهو لوحدكوا ولو حاول بس يعمل اي حاجه تنهي الخطوبه فورا لانه هيبقي قليل الادب ومش بيحبك ولا بيخاف عليكي لانه لو بيخاف عليكي مش هيعمل كده الاختبار السادس خدي بالك منه هل هوبخيل ولا لا يعني بيجبلك حاجه وهو جي ومش لازم تكون حاجه كبير ان شالله شكولاته لما بتخرجوا بيجبلك حاجه ان شالله حمص الشام كده يعني الاختبار السابع اختبري رجولتوا ومدي غيرتوا حاولي تتدلعي وانتي بتردي علي اي حد لمجرد انك تثيري غرتوا لو راجل بارد مش هيغير عليكي ابدا وبالتالي مش هيحافظ عليكي لو انتي تقدري تتعايشي عيشي لو غار بقي يبقي راجل دمه حامي وده احسن حاجه في الرجاله العرب الاختبار الثامن اعملي نفسك تعبانه لو هو بيحس هيجيلك تاني يوم او في ساعتها يبقي بيحبك وبيخاف عليكي وهيجيب معاه الحاجه اللي انتي بتحبيها اما لو مش بيحس اصلا يبقي لكي الله كفايا كده علشان ده اللي انا فكراه علي فكره في بنات بختلاف ازواجها بس اكيد الراجل اللي دمه حامي وبيغير علي اهل بيته وبيحبهم ويخاف عليهم وميستخسرش اي حاجه في اهل بيته احسن الرجال

حبيبتى مرمر عاوزة انبهك لحاجة مهمة قوى يا حبيبتى و بدون زعل
الحياة بين الرجل و زوجتة مش هتكون مثل الحياه بين توم و جيرى و بعدين يا حبيبتى مين الراجل حاليا فى الظروف اللى احنا فيها اللى هيتحمل الاختبارات دى كلها يا ماما ليه ان شاء الله ابسط حاجة هيقول بركة يا جامع مع السلامة لا تتخيلى ان الراجل عتده قوة تحمل مثل الست و الا ما كنش ربنا سبحانه و تعالى خلق المرأة بطبيعة فسيولوجية معينة لتحمل عبئ الحمل و الولاده
ليه مثلا بقة هل ممكن نقول المرأة تلد مرة و الرجل مرة حكمته سبحانه و تعالى خلق المرأة تتحمل اكثر و تتعقل اكثر و تحافظ على البيت اكثر
و مافيش انسان ما فيهوش عيب هل لو وجدتى فى خطيبك عيب او رسب فى اختبار من اختبارات مرمر يبقى كده باى باى

للحديث بقية