المشاركة الأصلية كتبت بواسطة ramy01011
عندي سؤال للي معاة العربية دي من فترة كبيرة او كانت معاة فترة كبيرة و بعدين باعها انا دايما بحن للعربية دي و لسواقتها هي فضلت عندنا بتاع 30 سنه هي كانت موديل 78 يعني اتولدت لاقتها و اتعلمت عليها و قضيت بيها فترة الكلية و حتي لما سافرت برة مصر واشتريت اول عربية زيرو لية كنت بردو بستني الاجازة علشان انزل و اسوقها بس يا خسارة الاجازة الجاية هنزل موش هلاقيها لان والدي باعها و اشتري كورولا 2003 المهم هو انا بس اللي بحس بالحنين للعربية دي ولا كل اللي كانت معاة زيي ؟
|
تحياتي لك يا رامي محب الفيات 132
على فكرة يا رامي أنا باحس نفس الشعور تجاه سيارتي "فيفي" كما ندعوها على مستوى العائلة و الأصدقاء00 فهي بالفعل سيارة أصيلة روعي فيها جمال و دقة التصميم خارجيا و داخليا, مع العملية الشديدة للتصميم الداخلي الذي يجعلك مرتطا بها إلى أبعد الحدود . عندي فيات 2000 كداب محرك 1600 سي سي 2 كامة موديل 1980 بكماليتها,قطعت 110 ألف كيلومتر و لا تزال تعمل بكفاءة و قوة بالغتين تقرب من أي سيارة حديثة نفس السعة - إن لم تفوقها آداءً ومتانة !! و لا استطيع أن افكر في بيعها لأني أعشق هدير محركها الألماني بكامتيه , و لأنها .. رفيقة حياتي .. و كشكول ذكرياتي الوحيد الباقي !!