المشاركة الأصلية كتبت بواسطة ابوجهاد
شاكر افضالك يحيي باشا تم الاتصال بصاحب السياره
وتخيل انه يطلع في الشارع ال جنبي مباشره
بس محتاج من حضرتك معلومه عن الماروتي لاننى لا اعلم عنها شئ
اولا هو بيقول لي ان العربه فيها دخنه والمكانيكي قال له ده جوان وواحد تاني قال له ده شنبر
وطبعا اانا عملت عمرات كتيره للاكسل وال 128 والادا وبخبرتي الموتور بطيخه مقفوله وعليه
هل السعر ده كويس
طيب يا تري عمره الماروتي تخش لها في كام انا اعرف انها 3 سلندر
وهل السياره الماروتي ممكن الواحد يسافر بيها اسكنريه ولا ضعيفه
ارجو افادتي ان امكن قبل ان اذهب وشوف السياره غدا انشاء الله لانه هو غير موجود دلوقتي
واسف جدا علي الاطاله والطمع في خبرتك  |
بص يا باشا الماروتى تسافر اى حته المهم تشيك عليها قبل السفر بس
و دى شويه معلومات عن الماروتى
موتور 800 سىسى
بقوه 47 حصان
3 سلندر
كاربيراتير
الابعاد الخارجية
الطول 3335 مم
العرض 1440 مم
الارتفاع 1405
قاعدة العجلات 2175 مم
نصف قطر الدوران 4.4 متر
الارتفاع عن سطح الارض 170 مم
وزن السيارة 650 كجم
متوسط استهلاك البنزين 6.2 لتر لكل 100 كم
الفرامل
الامامية ديسكات
الخلفية طنابير
مقاس الاطارات
145/70R12S
الاداء
السرعة القصوى 138 كم/س
التسارع من 0 الى 100 كم/س فى 22 ثانية
نظام التعليق
الامامى
Mcpherson strut and coil spring
الخلفى
Coil Spring with gas filled shock absorber
السيارة بتنزل براديو كاسيت و2 سماعات امامية
اهم مميزات الماروتى
عربية صغيرة الحجم سهلة فى الركن وخصوصا فى شوارع مصر
سعة المحرك صغير فاستهلاك البنزين قليل جدا جدا فتوفر فى الميزانية جدا
قطع غيارها رخيصة جدا بالمقارنة بباقى السيارات
صيانتها لاتحتاج خبير اى ميكانيكى او كهربائى يشتغل فيها وبسهولة
سعر اعادة بيعها ممتاز لان العربية مطلوبة فى السوق المصرى
اهم عيوبها
مافيهاش اوبشنز تقريبا
العفشة ناشفة (وده حال كل العربيات الصغيرة)
المساحات الداخلية مش كبيرة(وده امر طبيعى لصغر حجم السيارة عموما)
صغر حجم الشنطة الخلفية (يمكن التحايل على تلك المشكلة عن طريق طى الكنبة الخلفية)
مافيهاش تكييف(بيركبلها وده موضوع عن تركيب تكييف للماروتى فى المنتدى هنا)
تكييف سوزوكي ماروتي 800 cc
بس فى المجمل عيوبها يمكن التغاضى عنها بالمقارنة بسعرها